యాపిల్ స్మార్ట్ఫోన్, ట్యాబ్లెట్, కంప్యూటర్ వాడేవాళ్లకు గుడ్న్యూస్. అదేంటంటే... యూజర్ల కంఫర్ట్ కోసం ఈ ఏడాది ఐదు కొత్త సాఫ్ట్వేర్ అప్డేట్స్ తెస్తోంది యాపిల్. ఈమధ్య జరిగిన ‘వరల్డ్ వైడ్ డెవలపర్స్ కాన్ఫరెన్స్’లో యాపిల్ ఈ నిర్ణయం తీసుకుంది. ఈ సాఫ్ట్వేర్ల ద్వారా యాపిల్ డివైజ్ల పనితీరు మరింత మెరుగుపడుతుంది అంటున్నారు ఎక్స్పర్ట్స్.
అన్సెండ్ మెసేజెస్
ఐఒఎస్ 16 ఫోన్లు, ట్యాబ్లెట్లు, కంప్యూటర్లలో ఈ కొత్త ఫీచర్ అందుబాటులోకి రానుంది. దీని ద్వారా చివరగా పంపిన మెసేజ్లని ఎడిట్ చేసి, ఐమెసేజ్లని పంపొచ్చు. యాపిల్ మెసేజ్ యాప్ని ఉపయోగించేవాళ్లు అవతలివాళ్లకు పంపిన మెసేజ్ని అన్సెండ్ చేయొచ్చు కూడా. యూజర్లు ఒక మెసేజ్ని ఎడిట్ చేయడానికి, అన్సెండ్ చేయడానికి 15 నిమిషాల టైం ఉంటుంది. అయితే, ఈ ఫీచర్ మెసేజ్ యాప్ వాడే యూజర్లకు మాత్రమేనా? ఆండ్రాయిడ్ యూజర్లకు కూడా ఉంటుందా? అనేది తెలియాల్సి ఉంది.
కొత్త లాక్ స్క్రీన్
నోటిఫికేషన్లు చెక్ చేసుకోవడానికి చాలాసార్లు ఫోన్ లాక్స్క్రీన్ని అన్లాక్ చేస్తుంటాం. అయితే, ఆండ్రాయిడ్ స్మార్ట్ఫోన్ యూజర్లకు కస్టమైజ్డ్ లాక్స్ర్కీన్ ఉంటుంది. కానీ, ఐ ఫోన్ యూజర్లకు కస్టమైజ్డ్ లాక్స్క్రీన్ ఉండదు. ఇకమీదట ఐ ఫోన్ వాడేవాళ్లు వాతావరణం, అలారం, యాక్టివిటీస్ నోటిఫికేషన్ల కోసం హోమ్ స్క్రీన్ మీద చిన్న విడ్జెట్స్ పెట్టుకోవచ్చు. అచ్చం యాపిల్ వాచ్లో మాదిరిగానే ఆప్షన్ల మీద గట్టిగా నొక్కి పట్టి సెట్టింగ్స్ మార్చుకోవచ్చు. అంతేకాదు కస్టమ్ లాక్స్ర్కీన్ కూడా క్రియేట్ చేసుకోవచ్చు.
ఐఫోన్ వెబ్కామ్
మ్యాక్ వెబ్కామ్గా చాలామంది ఐఫోన్ కెమెరా వాడుతుంటారు. అయితే, ఇప్పుడు ఆ అవసరం ఉండదు. ఐఒఎస్ 16, మ్యాక్ఒఎస్ వెంచురా అప్డేట్ల సాయంతో ఐఫోన్ని మ్యాక్ వెబ్కామ్గా మార్చేయొచ్చు. దీన్ని ‘కంటిన్యుటీ కెమెరా’ అంటారు. ఐఫోన్ని దగ్గరకు తీసుకురాగానే కెమెరా ఆటోమెటిక్గా మ్యాక్కి కనెక్ట్ అవుతుంది. ఫోన్ని అన్లాక్ చేయాల్సిన పనిలేదు. ఫేస్టైమ్, జూమ్, వెబ్మ్యాక్స్, ఇతర వీడియో కాన్ఫరెన్సింగ్ యాప్లకు కంటిన్యుటీ కెమెరా బాగా పనికొస్తుంది.
ఐపాడ్ ఒఎస్
ఐఒఎస్16 అప్డేట్తో ఐపాడ్ దాదాపు మ్యాక్లా పనిచేస్తుంది. ‘కొలాబరేషన్’ అనే ఫీచర్ ద్వారా ఐపాడ్ ముందు కూర్చొని ఆఫీస్లోని కొలీగ్స్, ఫ్రెండ్స్తో మాట్లాడడం చాలా ఈజీ. అంతేకాదు ‘ఫ్రీ ఫామ్’ అనే యాప్ సాయంతో వర్చువల్గా ఇంటరాక్ట్ కావొచ్చు. ఈ ఫీచర్ ఈ ఏడాది చివరికల్లా అందుబాటులోకి రానుంది.
మెడికేషన్ ట్రాకింగ్
యాపిల్ వాచ్ ద్వారా మెడికేషన్ ట్రాకింగ్ చేయడం ఈజీ కానుంది. అందుకోసం వాచ్ ఒఎస్9 లో ‘మెడికేషన్ యాప్’ ఉంటుంది. ఏ మందులు వేసుకుంటున్నారు? ఏ మందులు ఎప్పుడు వేసుకోవాలి? అనేది చెప్తుంది. అందుకోసం మెడిసిన్ వివరాలు, అవి తీసుకునే టైంని యాప్లో ఎంటర్ చేయాలి. ఒకవేళ ఆ మందుల వల్ల ఇబ్బంది అనిపిస్తే వెంటనే అలర్ట్ చేస్తుంది ఈ యాప్.
స్నాప్చాట్లో పెయిడ్ సబ్స్క్రిప్షన్
కంటెంట్ క్రియేటర్స్కి డబ్బులు రావడం కోసం పెయిడ్ సబ్స్క్రిప్షన్ ప్లాన్ తీసుకొస్తున్నాయి సోషల్మీడియా యాప్స్. ఇన్స్టాగ్రామ్ ఇప్పటికే ఈ ఫీచర్ తెచ్చింది. స్నాప్చాట్ కూడా త్వరలోనే పెయిడ్ సబ్స్క్రిప్షన్ ఫీచర్ తీసుకురాబోతోంది. ఈ కొత్త ఫీచర్ పేరు ‘స్నాప్చాట్ ప్లస్’. ఈ ఫీచర్తో యూజర్లకు లాభమేమిటంటే... బెస్ట్ ఫ్రెండ్స్ని పిన్ చేయొచ్చు. స్నాప్చాట్ ఐకాన్ని మార్చుకోవచ్చు. ఫ్రెండ్స్ ఏం చేస్తున్నారు? స్టోరీలను మళ్లీ ఎంతమంది చూశారు? అనేవి కూడా తెలుసుకోవచ్చు. అంతేకాదు గేమ్స్ ఆడొచ్చు. టిక్టాక్ లాగా ఉండే స్పాట్లైట్ ఫీచర్ని వాడొచ్చు. ప్రస్తుతం టెస్టింగ్ స్టేజ్లో ఉన్న ఈ ఫీచర్ సబ్స్క్రిప్షన్ ధర నెలకు 380 రూపాయలు. ఏడాదికి 3,740 రూపాయలు.
పిక్చర్- ఇన్- పిక్చర్
గూగుల్ మీట్లో త్వరలోనే కొత్త ఫీచర్ రాబోతోంది. పేరు ‘పిక్చర్ ఇన్ పిక్చర్’. ఇందులో మీట్ వీడియో కాల్ చేసినప్పుడు స్క్రీన్ మీద చిన్న విండో కనిపిస్తుంది. అందులో కొలీగ్స్, ఫ్యామిలీ, ఫ్రెండ్స్తో ఇంటరాక్ట్ కావొచ్చు. ఈ ఫీచర్ ఉంటే వీడియో కాల్ మాట్లాడుతూనే డాక్యుమెంట్లు, వెబ్పేజీలను కూడా చూడొచ్చు.
ఎలా ఆన్ చేయాలంటే...
వెబ్లో గూగుల్ మీట్ కాల్ వచ్చినప్పుడు మెను బటన్పై క్లిక్ చేయాలి. ఓపెన్ పిక్చర్–ఇన్– పిక్చర్ ఆప్షన్ని సెలక్ట్ చేయాలి. దాంతో స్క్రీన్ మీద కుడివైపు చిన్న విండో ఓపెన్ అవుతుంది. అంతేకాదు మీట్ కాల్లో ఉన్నప్పుడు మ్యూట్, డిజేబుల్ వీడియో, ఎండ్ ది కాల్, గో బ్యాక్ టు ఫుల్ స్క్రీన్ మోడ్ వంటి ఆప్షన్లని వాడుకోవచ్చు.