ముషీరాబాద్, వెలుగు : రాష్ట్రంలో 14 శాతం జనాభా ఉన్న గౌడ్స్కు రాజకీయాల్లో ప్రాధాన్యం దక్కడం లేదని తెలంగాణ గౌడ సంఘం ఆందోళన వ్యక్తం చేసింది. వచ్చే అసెంబ్లీ ఎన్నికల్లో అన్ని రాజకీయ పార్టీలు తమకు 10 అసెంబ్లీ, 3 లోక్ సభ,4 ఎమ్మెల్సీ,1 రాజ్యసభ సీట్ కేటాయించాలని డిమాండ్ చేసింది. బుధవారం బేగంపేట టూరి జం ప్లాజాలో తెలంగాణ గౌడ సంఘం రౌండ్ టేబుల్ సమావేశం జరిగింది.
ఈ సందర్భంగా గౌడ నేతలు పలు తీర్మానాలు చేసి ఆమోదించుకున్నారు. అనంతరం తెలంగాణ గౌడ సంఘం అధ్యక్షుడు పల్లె లక్ష్మణ్ రావు గౌడ్ మాట్లాడుతూ.. గౌడ్ కులస్తుల అభివృద్ధికి కార్పొరేషన్ ఏర్పాటు చేయాలన్నారు. మునుగోడు ఉప ఎన్నిక టైమ్లో గౌడ్స్కు ఇచ్చిన ద్విచక్ర వాహనాల పంపిణీ హామీని నెరవేర్చాలని కోరారు. వైన్ షాపుల నిర్వ హణకు అందిస్తున్న 15% రిజర్వేషన్ను 25 శాతానికి పెంచాలన్నారు. బీసీలకు లక్ష ఆర్థిక సాయంలో గౌడ్స్ను చేర్చాలన్నారు.
ALSO READ: 120 జీబీపీఎస్ స్పీడ్తో ఇంటెల్ థండర్బోల్డ్ కనెక్టర్
వృత్తిపరంగా ప్రమాదాలను నివారించేందుకు చెట్లు ఎక్కే రక్షణ పరికరాలు అందించాలని, ప్రమాదవశాత్తు మరణించిన గౌడ కులస్తులకు ఇచ్చే 5 లక్షల పరిహారాన్ని 10 లక్షల పెంచాలన్నారు. తాటి, ఈత, వనాల పెంపకం కోసం ప్రతి సొసైటీకి 5 ఎకరాల స్థలం కేటాయించాలని కోరారు. వచ్చే నెలలో లక్ష మందితో గౌడ గర్జన నిర్వహించనున్నట్లు లక్ష్మణ్ రావు గౌడ్ పేర్కొన్నారు.
