భద్రాద్రి కొత్తగూడెం : ఏసీబీ వలలో మరో అవినీతి చేప చిక్కింది. జిల్లా కేంద్రంలోని లేబర్ కమిషన్ కమిషనర్ కార్యాలయంలో పనిచేస్తున్న జూనియర్ అసిస్టెంట్ రబ్బానీ రూ.15,000 లంచం తీసుకుంటుండగా ఏసీబీ అధికారులు దాడి చేసి పట్టుకున్నారు. కార్యాలయంలో పని కోసం వచ్చిన ఓ వ్యక్తి నుంచి కొంత మొత్తాన్ని డిమాండ్ చేశాడు. దీంతో అతను ఏసీబీ అధికారులను ఆశ్రయించాడు. అధికారుల సూచన మేరకు బాధితుడు ఇస్తున్న డబ్బు రబ్బానీ తీసుకుంటుండగా రెడ్ హ్యాండెడ్‌గా పట్టుకున్నారు ఏసీబీ అధికారులు.
