24న స్క్రూటినీ.. 26న క్యాండిడేట్లు ఖరారు
హైదరాబాద్, వెలుగు: రాష్ట్రంలో రెండు గ్రాడ్యుయేట్ఎమ్మెల్సీ ఎలక్షన్లకు మంగళవారం నుంచి నామినేషన్ల స్వీకరణ మొదలుకానుంది. కేంద్ర ఎన్నికల సంఘం ప్రకటించిన షెడ్యూల్ ప్రకారం.. మంగళవారం పొద్దున 11 గంటలకు రిటర్నింగ్ఆఫీసర్లు ఎలక్షన్నోటిఫికేషన్ జారీ చేస్తారు. ఆ వెంటనే నామినేషన్లు తీసుకోవడం మొదలవుతుంది. ఈ మేరకు సీఈవో నుంచి మహబూబ్నగర్– రంగారెడ్డి– హైదరాబాద్, నల్లగొండ– వరంగల్– ఖమ్మం గ్రాడ్యుయేట్ నియోజకవర్గాలు ఉన్న జిల్లాల ఎన్నికల అధికారులకు ఆదేశాలు అందాయి. బ్యాలెట్ పద్ధతిలో ఎన్నికలు జరుగుతాయని, పోటీలో ఉండే క్యాండిడేట్ల ఫోటోలు కూడా తీసుకోవాలని సీఈవో సూచించారు. జనరల్ క్యాండిడేట్లు రూ.10 వేలు, ఎస్సీ, ఎస్టీలు రూ.5 వేలు సెక్యూరిటీ డిపాజిట్చెల్లించాల్సి ఉంటుంది. నామినేషన్లు వేసేప్పుడు క్యాండిడేట్ తోపాటు మరో నలుగురిని మాత్రమే అనుమతిస్తామని స్పష్టం చేశారు. ఈ నెల 23న మధ్యాహ్నం మూడు గంటల వరకు నామినేషన్లు తీసుకుంటారు. 24న స్ర్కూటినీ, 26న విత్డ్రాకు చాన్స్ ఉంటుంది. అదే రోజు సాయంత్రం బరిలో ఉండే క్యాండిడేట్లను ప్రకటిస్తారు. మార్చి 14న పోలింగ్, 17న ఓట్ల లెక్కింపు ఉండనుంది. ఇప్పటికే ప్రధాన పార్టీలు క్యాండిడేట్లను ప్రకటించాయి. కాగా.. హైదరాబాద్–రంగారెడ్డి–మహబూబ్నగర్ గ్రాడ్యుయేట్ ఎమ్మెల్సీ ఎలక్షన్పై జీహెచ్ఎంసీ కమిషనర్, ఎలక్షన్ఆఫీసర్ లోకేశ్కుమార్ సోమవారం సమీక్షించారు. 11 మంది నోడల్ అధికారులకు బాధ్యతలు అప్పగించారు.
ఎమ్మెల్సీ ఎన్నికల్లో వృద్ధులకు పోస్టల్ బ్యాలెట్
గ్రాడ్యుయేట్ఎమ్మెల్సీ ఎన్నికల్లో పోస్టల్బ్యాలెట్ఓటింగ్‌‌‌‌‌‌‌‌కు ఈసీ పర్మిషన్‌ ఇచ్చిది. మంగళవారం నుంచి 5 రోజులపాటు పోస్టల్ బ్యాలెట్ ద్వారా ఓటు హక్కు వినియోగించుకునేందుకు అవకాశం కల్పించింది. గ్రాడ్యుయేట్ఓటర్ లిస్టులో పేరు ఉండి, ఓటు వేయడానికి వెళ్లలేని 80 ఏండ్ల వృద్ధులు, దివ్యాంగులు, కరోనా అనుమానిత, బాధిత ఓటర్లు పోస్టల్బ్యాలెట్ద్వారా ఓటు వేయచ్చన్నారు. బూత్లెవెల్ ఆఫీసర్లు ఫారం–12డి ఇచ్చి పోస్టల్ బ్యాలెట్‌‌‌‌‌‌‌‌తో ఓటు వేసేందుకు అవకాశం కల్పిస్తారు.
For More News..
