పేరుకే బ్రాండెడ్ మందు.. లోపలుండేదంతా చీప్ లిక్కరే.. స్క్రాప్ షాపు నుంచి ఖరీదైన ఖాళీ మద్యం బాటిల్స్

పేరుకే బ్రాండెడ్ మందు.. లోపలుండేదంతా చీప్ లిక్కరే.. స్క్రాప్ షాపు నుంచి ఖరీదైన ఖాళీ మద్యం బాటిల్స్
  • ఇంట్లో ‘డౌన్​టౌన్​’ మిక్సింగ్
  • శంషాబాద్లో క్యాబ్​డ్రైవర్ అరెస్ట్

హైదరాబాద్ సిటీ, వెలుగు: చీప్ లిక్కర్‌ను ఖరీదైన విదేశీ మద్యం బాటిళ్లలో మిక్స్​చేస్తూ ఎక్కువ ధరకు అమ్మి సొమ్ము చేసుకుంటున్న ముఠాను గ్రేటర్ హైదరాబాద్ ఎక్సైజ్ టాస్క్‌ఫోర్స్ బృందం పట్టుకుంది. వంగలి అశోక్ (43) గతంలో మద్యం తయారీ పరిశ్రమలో పని చేసేవాడు. అది మానేసి క్యాబ్ డ్రైవింగ్​చేస్తున్నాడు. సులభంగా డబ్బు సంపాదించాలనే దురాశతో శంషాబాద్‌లోని శాతంరాయిలోని తన ఇంట్లో చీప్​ లిక్కర్ ​దందా షురూ చేశాడు.

మహమ్మద్ యాకూబ్ పాషాకి స్క్రాప్ షాపు నుంచి ఖరీదైన ఖాళీ మద్యం బాటిల్స్​ సీసాలను తెచ్చి అందులో రూ.560 విలువ చేసే ‘డౌన్ టౌన్’ మద్యాన్ని నింపేవాడు. జానీ వాకర్, దివార్స్, 100 పైపర్స్ వంటి ఖరీదైన బ్రాండ్ల పేర్లతో ఆ చీప్ లిక్కర్‌ను స్థానికంగా ఉండే పది మందికి అధిక ధరలకు విక్రయిస్తూ సొమ్ము చేసుకుంటున్నాడు. విషయం తెలుసుకున్న ఎక్సైజ్​పోలీసులు నిందితుడి ఇంటిపై రైడ్స్​చేసి 10 ఫుల్ మిక్సింగ్ మద్యం బాటిళ్లతో పాటు 30కి పైగా ఖాళీ సీసాలను స్వాధీనం చేసుకున్నామని గ్రేటర్ ఎక్సైజ్ సూపరింటెండెంట్ విజయభాస్కర్ గౌడ్ తెలిపారు.

లిక్కర్ ​మార్ట్​లోనే కల్తీ..
కుత్బుల్లాపూర్: ఏకంగా లిక్కర్​మార్ట్​లోనే మద్యాన్ని కల్తీ చేసి అమ్ముతుండగా టాస్క్​ఫోర్స్​పోలీసులు రైడ్స్​చేసి పట్టుకుని సీజ్​చేశారు. నిజాంపేట్​లోని ఓజీ లిక్కర్​మార్ట్​లో  కొంతకాలంగా 100 పైపర్స్​విస్కీ, బ్లెండర్స్​ప్రైడ్, స్టెర్లింగ్​బి, ఐకానిక్​విస్కీ, రాయల్​ఛాలెంజ్​విస్కీ తదితర బాటిల్స్​లో డీకే విస్కీ , ఓసీ విస్కీ , కేకే విస్కీ, ఐకాన్​ విస్కీ కలిపి అమ్మతున్నారు. లిక్కర్​మార్ట్​కావడంతో ఎవరికీ అనుమానం రాలేదు. అయితే, విశ్వసనీయ సమాచారంతో టాస్క్​ఫోర్స్​పోలీసులు రైడ్స్​చేసి పట్టుకున్నారు. ఈ కేసులో నిర్వాహకుడు గండం ప్రవీణ్ ​గౌడ్​ను అరెస్ట్​ చేశారు.