హైదరాబాద్, వెలుగు: యూఎస్ ఆధారిత హెసీఏ హెల్త్కేర్ హైదరాబాద్‌‌‌‌‌‌‌‌లో తన గ్లోబల్ క్యాపబిలిటీ సెంటర్ (జీసీసీ)ను బుధవారం ప్రారంభించింది. ఈ సంస్థ 2025 ఆర్థిక సంవత్సరం నాటికి 75 మిలియన్ డాలర్లు పెట్టుబడి పెట్టాలని, 2026 నాటికి మూడు వేల మంది నిపుణులకు ఉద్యోగాలు ఇవ్వాలని యోచిస్తోంది. నాలుగు లక్షల చదరపు అడుగుల విస్తీర్ణంలో ఉన్న ఈ సెంటర్ హెచ్సీఏ హెల్త్కేర్ కార్యకలాపాలలో ఆవిష్కరణ నైపుణ్యాన్ని పెంచడానికి అధునాతన డిజిటల్ టెక్నాలజీ సామర్థ్యాలను ఉపయోగిస్తుంది.
ఐటీ, సప్లై చైన్, ప్రొక్యూర్‌‌‌‌‌‌‌‌మెంట్, హ్యూమన్ రిసోర్సెస్, ఫైనాన్స్ అకౌంటింగ్తో సహా పలు వ్యాపార విభాగాలలో ప్రతిభావంతులను నియమించుకోవడంపై తెలంగాణ ఐటీ పరిశ్రమల మంత్రి డి. శ్రీధర్ బాబు ఈ సెంటర్ను ప్రారంభించారు. ఈ సెంటర్ ద్వారా హైదరాబాద్ ప్రపంచ ఆరోగ్య సంరక్షణ ఆవిష్కరణ కేంద్రంగా మారేందుకు మరింత వేగం పుంజుకుంటుందని ఆయన అన్నారు. హైదరాబాద్ జీసీసీలకు అడ్డాగా మారిందని పేర్కొన్నారు.
