సూర్యాపేట, వెలుగు : జిల్లా కేంద్రంలోని భక్తాంజనేయస్వామి ఆలయంలో ఐదు రోజులపాటు హనుమాన్ జయంతి వేడుకలు జరుగనున్నాయి. మొదటి రోజు మంగళవారం కలశస్థాపనతో వేడుకలు ప్రారంభమయ్యాయి. ఈ సందర్భంగా స్వామివారికి అఖండ దీపారాధన, విశ్వక్సేన పూజ, సుందరకాండ పారాయణం, విష్ణు సహస్రనామ పారాయణం, భగవద్గీత పారాయణం, హనుమాన్ చాలీసా పారాయణం నిర్వహించారు.
ఈ వేడుకల్లో సుధాకర్ పీవీసీ అధినేతలు మీలా మహదేవ్, మీలా వాసుదేవ్ దంపతులు పాల్గొని స్వామివారికి ప్రత్యేక పూజలు చేశారు. కార్యక్రమంలో ఆలయ ఫౌండర్ ఫ్యామిలీ మెంబర్ కొత్త ఆంజనేయులు, ఇన్చార్జి కార్యనిర్వహణాధికారి వై.శ్రీనివాసరెడ్డి, అర్చకులు దరూరి శ్రీ రామానుజాచార్యులు, దరూరి శ్రీధరాచార్యులు, దరూరి శ్రీనాథాచార్యులు, మున్సిపల్ కో–ఆప్షన్ సభ్యుడు వెంపటి సురేశ్, భక్తులు పాల్గొన్నారు.
