హనుమాన్(HanuMan) మూవీ దర్శకుడు తన సోషల్ మీడియాలో ఎమోషనల్ పోస్ట్ చేశారు. మెగాస్టార్ చిరంజీవి(Megastar Chiranjeevi) తన హనుమాన్ సినిమా గురించి మాట్లాడటం తనకి సంతోషాన్ని కలిగించిందని, ఆ మాటలకి తనకు కన్నీళ్లు ఆగడంలేదని ఎమోషనల్ అయ్యారు. ప్రస్తుతం ప్రశాంత్ వర్మ చేసిన ఈ పోస్ట్ సోషల్ మీడియాలో వైరల్ గా మారింది.
ఇంతకీ అసలు విషయం ఏంటంటే.. తాజాగా మెగాస్టార్ చిరంజీవి సౌత్ ఇండియా ఫెస్టివల్-2024 కార్యక్రమానికి హాజరయ్యారు. ఇందులో భాగంగా ఆయన మాట్లాడుతూ.. తాను చాలా కాలంగా హనుమాన్ కాన్సెప్ట్ తో సినిమా చేయాలనుకున్నానని, కానీ, కుదరలేదు అని, ఇన్నాళ్ల నా కలను హనుమాన్ రూపంలో తేజ సజ్జ తీర్చాడని చెప్పుకొచ్చాడు.
More than elated to hear Padma Vibhushan @KChiruTweets garu's dream film to act is #HanuMan ?
— Prasanth Varma (@PrasanthVarma) April 13, 2024
These words imparted more responsibility on my shoulders and I'll forever cherish these words from the Mighty Mega ?
I couldn’t control my tears watching this video! I can only… pic.twitter.com/g8gCy0ekqf
ఆ వీడియో చూసిన హనుమాన్ సినిమా దర్శకుడు ప్రశాంత్ వర్మ ఎమోషనల్ అయ్యారు.. నేను నటించాలనుకున్న కలల చిత్రం హనుమాన్.. అనే మాటలు పద్మవిభూషణ్ మెగాస్టార్ చిరంజీవి నోటి నుండి విన్నందుకు నాకు చాలా ఆనందంగా ఉంది. ఈ మాటలు నాపై మరింత బాధ్యతను పెంచాయి. మైటీ మెగాస్టార్ నోటి నుండి వచ్చిన ఈ మాటలను నేను ఎప్పటికీ గౌరవిస్తాను. ఈ వీడియో చూస్తుంటే.. నాకు కన్నీళ్లు ఆగడంలేదు. కానీ, అక్కడే ఉన్న తేజ సజ్జ ఫీలింగ్ ఏంటో నేను ఊహించగలను.. అంటూ ఎమోషనల్ ట్వీట్ చేశారు ప్రశాంత్ వర్మ. ప్రస్తుతం ఆయన చేసిన ఈ ట్వీట్ సోషల్ మీడియాలో వైరల్ గా మారింది.
