తమిళ హీరో విజయ్ నటిస్తోన్న లేటెస్ట్ మూవీ ‘లియో’. లోకేష్ కనగరాజ్ దర్శకత్వం వహిస్తోన్న ఈ మూవీ లో సీనియర్ హీరోయిన్ త్రిష నటిస్తోంది. అయితే ఈ సినిమా నుంచి త్రిష తప్పుకుందని వదంతులురావడం తెలిసిందే. ఇటీవల ఈ సినిమా మొదటి షెడ్యూల్ షూటింగ్ కోసం టీమ్ అంతా కాశ్మీర్ కు వెళ్లింది. కానీ ఆ షెడ్యూల్ పూర్తి కాకుండానే త్రిష మూవీ నుంచి తప్పుకున్నట్టు వార్తలు వచ్చాయి. తాజాగా త్రిష తల్లి ఉమా కృష్ణన్ ఈ రూమర్స్పై స్పందించారు. ‘లియో ప్రాజెక్టులో త్రిష నటించడం లేదన్న వదంతుల్లో వాస్తవం లేదని తెలిపింది. కశ్మీర్ షూటింగ్లో చల్లటి వాతావరణానికి అనారోగ్యం బారిన పడి ఇంటికి వచ్చింది’ అని ఆమె చెప్పారు. ఇప్పుడు కాశ్మీర్ లో ‘లియో’ షూటింగ్ లో ఉందని స్పష్టం చేసింది. త్రిష కూడా తన ఇన్ స్టాలో కశ్మీర్ షూటింగ్ పిక్స్ను పోస్టు చేసి వదంతులకు పుల్స్టాప్పెట్టింది.
ఇక విజయ్, త్రిష దాదాపు 14 ఏళ్ల తర్వాత మళ్లీ కలసి నటిస్తున్నారు. దీంతో ప్రేక్షకుల్లో ఆసక్తి నెలకొంది. భారీ బడ్జెట్ తో ఈ మూవీ తెరకెక్కిస్తున్నారు. ఇందులో మరో హీరోయిన్‌గా ప్రియా ఆనంద్‌ను ఎంపిక చేశారు. బాలీవుడ్‌ నటుడు సంజయ్‌దత్, మన్సూర్‌ అలీఖాన్‌ ముఖ్య పాత్రల్లో నటిస్తున్నారు. ఈ చిత్రానికి అనిరుద్ సంగీతం సమకూరుస్తున్నారు. లలిత్ కుమార్ నిర్మాణ బాధ్యతలు చేపట్టారు. తమిళంతో పాటు తెలుగులోనూ ఈ సినిమాను ఒకేసారి విడుదల చేయడానికి మేకర్స్ ప్లాన్ చేస్తున్నారు.
