నర్సంపేట, వెలుగు : మాట వినడం లేదని సొంత తమ్ముడిపై అన్న కత్తితో దాడి చేసిన ఘటన వరంగల్ జిల్లా నర్సంపేటలో మంగళవారం జరిగింది. రాంనగర్ ఎస్సీ కాలనీకి చెందిన దొడ్డ దేవేందర్(22), అమరేందర్ (18) ఇద్దరు అన్నదమ్ములు. కొన్ని నెలల క్రితం వీరి తల్లిదండ్రులు అనారోగ్యంతో చనిపోయారు. అన్న దమ్ములిద్దరూ తమ ఇంట్లోనే కలిసి ఉంటూ.. కూలీ పనులు చేసుకుంటూ జీవనం కొనసాగిస్తున్నారు.
తన మాట వినడం లేదని అమరేందర్పై దేవేందర్ కత్తితో దాడి చేశాడు. అమరేందర్ పొట్టలోకి కత్తి దూసుకపోయి తీవ్ర రక్త స్రావం అయింది. వెంటనే నర్సంపేట జిల్లా హాస్పిటల్కు తరలించారు. పరిస్థితి విషమించడంతో అమరేందర్ను వరంగల్ ఎంజీఎంకు తరలించారు. పోలీసులు స్పాట్కు చేరుకుని దర్యాప్తు ప్రారంభించారు.
