ఆదిలాబాద్, వెలుగు: ఆదిలాబాద్ జిల్లా జైనథ్ మండలం బెల్గాంకు చెందిన హెడ్ కానిస్టేబుల్ గంగన్న(58) తాంసి పోలీస్ స్టేషన్ లో డ్యూటీ చేస్తూ గుండెపోటుతో చనిపోయాడు. ఆదిలాబాద్ పట్టణంలోని టైలర్స్ కాలనీలో నివాస ఉండే గంగన్న రోజులాగే మంగళవారం సైతం స్టేషన్కు డ్యూటీకి వెళ్లాడు. మధ్యాహ్నం ఒంటి గంట సమయంలో ఒక్కసారిగా కుప్పకూలిపోయాడు. వెంటనే 108కు సమాచారం అందించడంతో అక్కడి చేరుకున్న సిబ్బంది అతడిని పరీక్షించి అప్పటికే చనిపోయినట్లు నిర్ధారించారు. అదే స్టేషన్లో రైటర్గా పని చేస్తున్న కొడుకు చిరంజీవి కండ్ల ముందే గంగన్న ప్రాణాలు కోల్పోయాడు. స్వగ్రామం బెల్గాంలో అంత్యక్రియలు నిర్వహించారు. హెడ్ కానిస్టేబుల్ మృతి పట్ల పోలీస్ ఆఫీసర్లు, పోలీసులు దిగ్ర్భాంతి వ్యక్తం చేశారు.
