తెలుగువారు చాలామంది పండుగ వచ్చినా.. పబ్బం వచ్చినా.. పిండి వంటకాలకు చాలా ప్రాముఖ్యత ఇస్తారు. స్వీట్ ప్రియులైతే పొంగల్.. హాట్ ప్రియులైతే పులిహార అంటే లొట్టలేస్తారు. ఎప్పుడూ రొటీన్ గా చేసే బియ్యం..సగ్గుబియ్యం.. సేమ్యా పొంగల్ అంటే బోర్ కొడుతుంది కదా.. అలా కాకుండా వెరైటీగా కొత్తిమీరతో పొంగల్ చేస్తే రుచితో పాటు ఆరోగ్యం కూడా.. కడుపులో పేరుకుపోయిన చెత్తను ఇట్టే తొలగించేస్తుంది. అలాంటి హెల్దీ పొంగల్ ను ఇంట్లోనే చాలా ఈజీగా తయారు చేసుకోవచ్చు. కొత్తిమీర పొంగల్ ను ఎలా తయారు చేయాలి..ఏమేమి కావాలో ఈ స్టోరీలో తెలుసుకుందాం. . .!
కొత్తిమీర పొంగలి తయారీకి కావాల్సినవి
- బియ్యం-అరకప్పు
- పెసర పప్పు- అర కప్పు
- కొత్తిమీర- కప్పు
- కరివేపాకు- మూడు రెబ్బలు
- పచ్చిమిర్చి- మూడు
- నీళ్లు- మూడు కప్పులు
- పసుపు ఉప్పు- టీస్పూన్‌
- నెయ్యి- పావు కప్పు
- జీడిపప్పులు- పావు కప్పు
- మిరియాలు- టీస్పూన్‌
- జీలకర్ర- టీస్పూన్‌
- తరిగిన అల్లం- టీస్పూన్‌
- ఇంగువ- కొద్దిగా
- కరివేపాకు- రెండు రెబ్బలు
కొత్తిమీర పొంగల్ తయారీ విధానం
బియ్యం, పెసరపప్పును శుభ్రంగా కడిగి విడివిడిగా నీళ్లలో గంటసేపు నానబెట్టాలి. ఇప్పుడు కొత్తిమీర, కనివేపాకును శుభ్రంగా కడిగా ఆకులను కట్ చేయాలి. ఆ తరువాత పచ్చి మిర్చిని ఒక్కొక్క మిర్చిని రెండు ముక్కలు చేయాలి. ఈ మూడింటిని ( కొత్తిమీర, కరివేపాకు, పచ్చిమిర్చి) మిక్సీ జార్ లో మెత్తగా పేస్ట్ చేయాలి.
ఇప్పుడు స్ట్ వెలిగించి.. కుక్కర్ లో బియ్యం, పెసరపప్పు వేసి అన్నం ఉడికేలా నీళ్లు పోయాలి. ఇందులో పసుపు ఉప్పు, నెయ్యి వేసి నాలుగు విజిల్స్ వచ్చేలా ఉడికించుకోవాలి. విజిల్ ఆవిరి పోయిన పోయిన తరువాత ఉడికిన మిశ్రమాన్ని గరిటతో బాగా కలియబెట్టాలి. ఈ మిశ్రమం గట్టిగా ఉంటే కొద్దిగా వేడి నీళ్లు పోసి కలిబెట్టాలి.
ఇప్పుడు స్టవ్పై మూకుడును వేడి చేయాలి. అందులో కొద్దిగా నెయ్యుని కాగనివ్వాలి. అందులో మిరియాలు, జీలకర్ర, జీడిపప్పు వేసి వేయించాలి. ఆ తరువాత అల్లం ముక్కలు, ఇంగువ, కరివేపాకు వేసి పోపు పెట్టాలి. ఈ తాలిపును బియ్యం.. పెసరపప్పు ఉడికిన పొంగల్ లో కలపాలి.
ఇందులో పైన తయారు చేసి పెట్టుకున్న కొత్తిమీర, కరివేపాకు, పచ్చిమిర్చి పేస్ట్ను కలుపుకోవాలి. ఒక అంతే హెల్దీ అండ్ టేస్తీ కొత్తిమీర పొంగల్ రడీ. బ్రేక్ ఫాస్ట్ గా కొత్తిమీర పొంగల్ ను బీపీ.. షుగర్తో పాటు బాధపడే వారు.. చెడు కోలెస్ట్రాల్ ఉన్నవారు తింటే ఈ సమస్యలు అదుపులో ఉంటాయి. కడుపులో వ్యర్ధాలు తొలగిపోవడమే కాకుండా.. లివర్, కిడ్నీ లు కూడా సక్రమంగా పని చేస్తాయి.
