హైదరాబాద్ లో ఐటీ రిటైర్డ్ కమిషనర్ శామ్యూల్ ప్రసాద్ ఇంట్లో భారీ చోరీ జరిగింది. భూమి కొనుగోలు చేస్తామని ఇంట్లోకి వెళ్లి చోరీకి పాల్పడ్డాడు నిందితుడు. 5 లక్షల నగదుతో పాటు 30 తులాల బంగారంతో ఉడాయించాడు.
భూమి కొనుగోలు పేరుతో సురేందర్ అనే వ్యక్తి రిటైర్డ్ కమిషనర్ శామ్యూల్ కు దగ్గరయ్యాడు. ఓ రోజు టిఫిన్, కొబ్బరినీళ్లతో శామ్యూల్ ఇంటికి వెళ్లిన సురేందర్.. కొబ్బరి నీళ్లలో మత్తు మందు కలిపి ఇచ్చాడు. కొబ్బరి నీళ్లు తాగిన శామ్యూల్ సృహ తప్పి పడిపోగానే చోరీకి పాల్పడ్డాడు సురేందర్. 5 లక్షల నగదుతో పాటు 30 తులాల బంగారు నగలను ఎత్తుకెళ్లాడు. జూన్ 14న రిటైర్డ్ కమిషనర్ శామ్యూల్ పోలీసులకు ఫిర్యాదు చేశాడు.నిందితుడు సురేందర్ ను అదుపులోకి తీసుకున్నారు ముషీరాబాద్ పోలీసులు. అయితే తన వెనుక ఓ ఎస్సై హస్తం ఉందని చెప్పాడు సురేందర్. నిందితుడు చెప్పిన సమాచారంతో పోలీసులు దర్యాప్తు చేస్తున్నారు.
ALSO READ:కారు స్టీరింగ్ ఇప్పటికీ ఎంఐఎం చేతిలోనే ఉంది: ఎంపీ అర్వింద్
