రౌడీ హీరో విజయ్ దేవరకొండ(Vijay devarakonda), సౌత్ స్టార్ హీరోయిన్ సమంత(Samantha) జంటగా నటిస్తున్న లేటెస్ట్ మూవీ ఖుషీ(Khushi). క్లాసిక్ సినిమాలా దర్శకుడు శివ నిర్వాణ(Shiva nirvana) దర్శకత్వం వహిస్తున్న ఈ సినిమాను.. మైత్రి మూవీ మేకర్స్(Mytri movie makers) నిర్మిస్తున్నారు. తాజాగా ఈ సినిమా నుండి సెకండ్ సాంగ్ ను రిలీజ్ చేశారు మేకర్స్.
ఆరాధ్య(Aradhya) అంటూ సాగే ఆ పాటకు ఆడియన్స్ ఫిదా అవుతున్నారు. యూట్యూబ్ లో ఈ సాంగ్ రికార్డ్ వ్యూస్ తో దూసుకుపోతోంది. ఈ సాంగ్ కు వస్తున్న రెస్పాన్స్ పై తాజాగా ట్విట్టర్ వేదికగా స్పందించారు హీరో విజయ్ దేవరకొండ. ఖుషి సినిమాలో నాకు చాలా ఇష్టమైన సాంగ్ ఇది. కొత్తగా పెళ్లయిన భార్యభర్తలు ఎలా ఉండాలో ఈపాటలో చూపించారు శివ. ఆ జంట మధ్య ఉండే ప్రేమ,అనుబంధాన్ని చాలా అందంగా చూపించారు. నాకు ఇంకా పెళ్లి కాలేదు కానీ..భవిష్యత్తులో నా పెళ్లి జీవితం లైఫ్ ఈ పాటలో ఉన్నట్టుగానే ఉండాలని కోరుకుంటున్నా అని చెప్పుకొచ్చారు విజయ్. ప్రస్తుతం విజయ్ చేసిన ఈ పోస్ట్ సోషల్ మీడియాలో ఫుల్ వైరల్ అవుతోంది.
ఈ పోస్ట్ చుసిన విజయ్ అభిమానులు త్వరగా పెళ్లి చేసుకో అన్నా అంటూ కామెంట్స్ చేస్తున్నారు. ఇక ఖుషీ సినిమా విషయానికి వస్తే.. ఈ సినిమా సెప్టెంబర్ 1న ప్రేక్షకుల ముందుకు రానుంది. మళయాళ సెన్సేషన్ హేశం అబ్దుల్ వాహాబ్ ఈ సినిమాకు సంగీతం అందిస్తున్నారు. ప్రేక్షకుల్లో మంచి అంచనాలున్న ఈ సినిమా విడుదల తరువాత ఎలాంటి రిజల్ట్ ను అందుకుంటుందో చూడాలి.
