తమిళ స్టార్ విశాల్(Vishal) హీరోగా వస్తున్న లేటెస్ట్ మూవీ ‘మార్క్ ఆంటోని(Mark antony)’. టైం ట్రావెల్ కాన్సెప్ట్ తో పాన్ ఇండియా లెవల్లో రానున్న ఈ సినిమాను.. దర్శకుడు ఆధిక్ రవిచంద్రన్(Adhik Ravichandran) తెరకెక్కిస్తున్నారు. ఇప్పటికే షూటింగ్ కంప్లీట్ చేసుకున్న ఈ మూవీ.. సెప్టెంబర్ 19న ప్రేక్షకుల ముందుకు రానుంది. దీంతో ప్రమోషన్స్ పనుల్లో ఫుల్ బిజీగా ఉంది యూనిట్.
ఇందులో భాగంగానే తాజాగా ఓ ఇంటర్వ్యూలో పాల్గొన్న హీరో విశాల్.. మార్క్ ఆంటోనీ సినిమా గురించి ఆసక్తికర విషయాలు చెప్పుకొచ్చాడు. ఇక లేడీ సూపర్ స్టార్ నయనతార(Nayanatara) సినిమా ప్రమోషన్స్ కు రాకపోవడంపై విశాల్ ను ప్రశ్నించారు యాంకర్. దానికి బదులుగా విశాల్ మాట్లాడుతూ.. నయనతార ఏ సినిమా ప్రమోషన్స్ కి కూడా రారు. అది ఆమె హక్కు. ఖచ్చితంగా రావాలని చెప్పే హక్కు ఎవరికీ లేదు కదా అంటూ షాకింగ్ కామెంట్స్ చేశారు. ప్రస్తుతం హీరో విశాల్ చేసిన ఈ కామెంట్స్ సోషల్ మీడియాలో వైరల్ అవుతున్నాయి.
ఇక మార్క్ ఆంటోనీ విషయానికి వస్తే.. ఈ సినిమాలో మరో దర్శకుడు ఎస్ జే సూర్య(SJ Surya), సునీల్(Sunil), అభినయ(Abhinaya), రీతూ వర్మ(Ritu varma) ప్రధాన పాత్రల్లో కనిపించనున్నారు. మరి ఈ సినిమా విశాల్ ఎలాంటి విజయాన్ని అందిస్తుంది అనేది తెలియాలంటే సెప్టెంబర్ 19 వరకు ఆగాల్సిందే.
