లేడీ సూపర్ స్టార్ నయనతార(Nayanthara) తో సినిమా అంటే దర్శకనిర్మాతలు జంకుతారట. సినిమా సైన్ చేసేముందే ప్రమోషన్స్లో పాల్గొనను అని కండీషన్ పెట్టేస్తుంది. ఇది ఓకే అనుకున్న వారే తనతో సినిమాకు ముందుకొస్తుంటారని టాక్.
ఇదే విషయాన్ని తమిళ నడిగర్ సంఘం సభ్యుడు, హీరో విశాల్(Vishal) ను మీడియా ప్రశ్నించింది. దీంతో ఈ హీరో నయన్ను వెనకేసుకొచ్చాడు. ప్రమోషన్స్లో పాల్గొనకపోవడం తప్పుకాదు. అది తన నిర్ణయం మనం దానిని మార్చలేం. తన నిర్ణయాన్ని చెప్పే హక్కు తనకుంది..అంటూ తెలిపాడు.
నయన్ ఫ్యాన్స్ సైతం విశాల్ కామెంట్స్పై హర్షం వ్యక్తం చేస్తున్నారు. ఇక వీరిద్దరూ కలిసి 2008లో వచ్చిన..సెల్యూట్.. సినిమాలో నటించారు. ప్రస్తుతం నయన్ బాలీవుడ్లో షారుక్ ఖాన్తో జవాన్ సినిమాలో నటిస్తోంది.