హైదరాబాద్ : సుజనా గ్రూప్ డైరెక్టర్లను తుదితీర్పు వచ్చేవరకు అరెస్ట్ చేయొద్దంటూ రాష్ట్ర హైకోర్టు పోలీసులు, అధికారులను ఆదేశించింది. సుజనా గ్రూప్స్ పిటిషన్ పై ఇరుపక్షాల వాదనలు విన్న హైకోర్టు.. తీర్పును రిజర్వ్ లో ఉంచింది. ముందస్తు నోటీసులు ఇవ్వకుండానే అరెస్ట్ చేసారంటూ కోర్టుకు తెలిపారు పిటిషనర్ తరపు న్యాయవాది. 41 సీఆర్పీసీ కింద నోటీసులు ఇస్తే తాము వివరణ ఇచ్చే వాళ్ళమని కోర్టుకు తెలిపారు. జీఎస్టీ అధికారులకు పూర్తిగా సహకరిస్తామని కోర్టుకు తెలిపారు సుజనా గ్రూప్స్ డైరెక్టర్లు.
జిఎస్టీ యాక్ట్ ప్రకారం సీఆర్పీసీ 167 కింద అరెస్ట్ చేసే అధికారం ఉందని కోర్టుకు తెలిపారు పన్ను శాఖ తరపు న్యాయవాది. షెల్ కంపెనీల పేరుతో తప్పుడు ఇన్-వాయిస్ చూపించి బ్యాంక్ రుణాలు పొంది జీఎస్టీ ఎగవేశారని కోర్టుకు తెలిపారు జిఎస్టీ తరపు న్యాయవాది.
రెండు పక్షాల వాదనలు విన్న హైకోర్టు తుది తీర్పు ఇచ్చేంత వరకు సుజనా గ్రూప్స్ డైరెక్టర్లను అరెస్ట్ చేయొద్దంటూ ఆదేశించింది.
