- మాజీ మంత్రి హరీశ్రావు మామకు ఊరట
హైదరాబాద్, వెలుగు: సిద్దిపేట జిల్లా కొండపాక మండలం వెలికట్ట గ్రామంలో మాజీ మంత్రి హరీశ్రావు మామ మాధవరపు హనుమంతరావుకు చెందిన 3.22 ఎకరాల భూమి స్వాధీనం వ్యవహారంలో బలవంతపు చర్యలు తీసుకోరాదంటూ రెవెన్యూ అధికారులకు హైకోర్టు ఆదేశాలు జారీ చేసింది. ఈ భూమికి సంబంధించి ఇచ్చిన షోకాజ్‌‌‌‌‌‌‌‌నోటీస్పై పూర్తి వివరాలతో కౌంటర్దాఖలు చేయాలంటూ విచారణను నవంబర్2కు వాయిదా వేసింది. వెలికట్టలోని 3.22 ఎకరాల స్వాధీనానికి గత నెల 29న ఇచ్చిన షోకాజ్‌ నోటీస్ను సవాల్చేస్తూ హనుమంతరావు హైకోర్టులో పిటిషన్‌ వేశారు.
దీనిపై జస్టిస్‌ శ్రవణ్‌‌‌‌‌‌‌‌కుమార్‌ సోమవారం విచారణ చేపట్టారు. పిటిషనర్‌ న్యాయవాది రామచంద్రరావు వాదనలు వినిపిస్తూ.. దురుద్దేశంతోనే నోటీస్జారీ చేశారన్నారు. ప్రభుత్వ న్యాయవాది మాట్లాడుతూ.. షోకాజ్‌ నోటీస్ఆధారంగా ఎలాంటి చర్యలు తీసుకోవడం లేదన్నారు. దీనిపై మధ్యంతర ఉత్తర్వులు జారీ చేస్తే రెవెన్యూ అధికారులు తదుపరి ప్రక్రియను కొనసాగించలేరని చెప్పారు. వాదనలు విన్న న్యాయమూర్తి షోకాజ్‌‌‌‌‌‌‌‌నోటీస్ఆధారంగా బలవంతపు చర్యలు తీసుకోరాదని ఆదేశించారు.
