మేషం (మార్చి21 – ఏప్రిల్‌20)
చేపట్టిన కార్యాలలో ఆటంకాలు. ఆలోచనలు స్థిరంగా ఉండవు. పరిచయాలు పెరుగుతాయి. ఆదాయం కొంతమేర అనుకూలిస్తుంది. అప్పులు తీరతాయి. కోర్టు వ్యవహారాల్లో పురోగతి. విద్యార్థులకు శ్రమానంతర ఫలితం. వ్యాపారులకు ఉత్సాహవంతంగా ఉంటుంది. ఉద్యోగులకు విధి నిర్వహణలో ప్రోత్సాహం. వారం మధ్యలో విందులు, వినోదాలు. భూలాభాలు. వాహనయోగం.
వృషభం (ఏప్రిల్‌21 – మే21)
రాబడి ఆశించిన విధంగా ఉంటుంది. సన్నిహితులు, సోదరుల సలహాల మేరకు కొన్ని నిర్ణయాలు తీసుకుంటారు. కొన్ని వివాదాలు ఏర్పడినా పరిష్కారమవుతాయి. కుటుంబ బాధ్యతలు సమర్థవంతంగా నిర్వహిస్తారు. భూములు, వాహనాలు కొనుగోలు చేస్తారు. శుభకార్యాలలో పాల్గొంటారు. వ్యాపారులకు లాభాలు దక్కుతాయి. ఉద్యోగులకు మరిన్ని హోదాలు రావచ్చు.
మిథునం (మే22 – జూన్‌22)
రాబడి కొంత పెరుగుతుంది. ముఖ్యకార్యాల్లో అవాంతరాలు తొలగుతాయి. చిరకాల ప్రత్యర్థులు స్నేహితులుగా మారే అవకాశం. ఆస్తి వివాదాల నుంచి గట్టెక్కుతారు. పాత విషయాలు గుర్తుకొస్తాయి. వాహనాలు, భూములు కొంటారు. వ్యాపారులకు నూతనోత్సాహం, కొత్త హోదాలు రావచ్చు. ఉద్యోగులు విధి నిర్వహణలో ప్రతిభ నిరూపించుకుంటారు.
కర్కాటకం (జూన్‌23 – జూలై23)
కొన్ని కార్యాలు సమయానికి చక్కదిద్దుతారు. ఆదాయం ఆశాజనకం. రుణబాధలు తొలగుతాయి. శారీరక రుగ్మతలు బాధించినా లెక్కచేయరు. సన్నిహితులతో ఉత్సాహంగా గడుపుతారు. నిరుద్యోగులకు శుభవార్తలు. బంధువులతో కీలక విషయాలు చర్చిస్తారు. కొన్ని సమస్యల నుంచి బయటపడతారు. వ్యాపారులు లాభాలు అందుకుంటారు. ఉద్యోగుల శ్రమ ఫలించి అనుకున్న హోదాలు దక్కుతాయి.
సింహం (జూలై24 – ఆగస్టు22)
ఆదాయంలో హెచ్చుతగ్గులు ఉన్నా అవసరాలకు లోటు రాదు. ఆప్తులు, శ్రేయోభిలాషుల నుంచి ముఖ్య సమాచారం. ఆస్తి వివాదాల నుంచి కొంతమేర బయటపడతారు. విద్యార్థులకు శుభవార్తలు అందుతాయి. వాహనసౌఖ్యం. కొన్ని ముఖ్య నిర్ణయాలు తీసుకుంటారు. శుభకార్యాలలో పాల్గొంటారు. వ్యాపారులు ఉత్సాహంగా ముందుకు సాగుతారు. ఉద్యోగులకు విధుల్లో అవాంతరాలు తొలగుతాయి.
కన్య (ఆగస్టు23 – సెప్టెంబర్‌22)
చేపట్టిన కార్యాల్లో విజయం. పలుకుబడి పెరుగుతుంది. బంధువుల నుంచి ఆశ్చర్యకరమైన సమాచారం అందుతుంది. మిత్రులతో ఉత్తరప్రత్యుత్తరాలు కొనసాగిస్తారు. రాబడి సంతృప్తికరం. దీర్ఘకాలిక సమస్యల నుంచి బయటపడే అవకాశం. ఇంటి నిర్మాణయత్నాలు ముమ్మరం. వ్యాపారులకు లాభాలు అందుతాయి. ఉద్యోగులకు విధుల్లో ప్రోత్సాహకరంగా ఉంటుంది. ప్రమోషన్లు దక్కవచ్చు.
తుల (సెప్టెంబర్‌23 – అక్టోబర్‌22)
కొన్ని సమస్యలు క్రమేపీ సర్దుబాటు కాగలవు. శత్రువులు కూడా స్నేహితులుగా మారతారు. రాబడికి మించిన ఖర్చులు. ఇంటి నిర్మాణయత్నాలలో కొన్ని ఇబ్బందులు. నూతన వ్యక్తుల పరిచయం. శుభకార్యాలకు డబ్బు ఖర్చు చేస్తారు. విద్యార్థులకు శ్రమాధిక్యం. వ్యాపారులకు కొద్దిపాటి లాభాలు. భాగస్వాములతో ఒప్పందాలు. ఉద్యోగులు విధి నిర్వహణలో అప్రమత్తంగా మెలగాలి.
వృశ్చికం (అక్టోబర్‌23– నవంబర్‌22)
అనుకున్న ఆదాయం సమకూరి అప్పులు తీరతాయి. కుటుంబంలో మీపట్ల ఆదరణ, ప్రేమాభిమానాలు పెరుగుతాయి. సన్నిహితులతో వివాదాలు కొంత సర్దుబాటు కాగలవు. సన్నిహితుల నుంచి ధనలబ్ధి. ముఖ్యకార్యాల్లో విజయం. విద్యార్థుల యత్నాలు సఫలమవుతాయి. వ్యాపారులు కొత్త పెట్టుబడులు సమకూర్చుకుంటారు. లాభాలు ఉత్సాహాన్నిస్తాయి. ఉద్యోగులకు కొత్త హోదాలు.
ధనుస్సు (నవంబర్‌23 – డిసెంబర్‌22)
కొత్త కార్యాలు ప్రారంభిస్తారు. స్నేహితులతో కష్టసుఖాలు పంచుకుంటారు. సోదరుల నుంచి ధనలాభం. రాబడి సంతృప్తినిస్తుంది. కొన్ని సమస్యల నుంచి బయటపడతారు. విద్యార్థులు ప్రతిభ చాటుకుంటారు. వాహనాలు, ఇళ్ల కొనుగోలు యత్నాలు ఫలిస్తాయి. వ్యాపారులు కొత్త పెట్టుబడులు అందుకుంటారు. ఉద్యోగులకు హోదాలు దక్కి ఉత్సాహంగా గడుపుతారు.
మకరం (డిసెంబర్‌23 – జనవరి22)
నిరుద్యోగులకు ఒక ప్రకటన సంతోషం కలిగిస్తుంది. శారీరక రుగ్మతలు బాధించినా లక్ష్య సాధన దిశగా సాగుతారు. చేపట్టిన కార్యాలు విజయవంతం. సన్నిహితులు, సోదరులతో కష్టసుఖాలు విచారిస్తారు. ఆకస్మిక ధనలాభాలు. మీ ఆలోచనలు అమలు చేస్తారు. కొత్త వ్యక్తుల పరిచయంతో ఉత్సాహం పెరుగుతుంది. వ్యాపారుల శ్రమ ఫలించి, లాభాలు అందుతాయి. ఉద్యోగులకు మంచి గుర్తింపు లభిస్తుంది.
కుంభం (జనవరి23 – ఫిబ్రవరి22)
ముఖ్య కార్యాలు నిదానంగా పూర్తి చేస్తారు. ఆదాయం గతం కంటే మెరుగుపడుతుంది. సన్నిహితులతో ఉత్సాహంగా గడుపుతారు. పరిస్థితులు అనుకూలిస్తాయి. బంధువుల ద్వారా ఆస్తిలాభ సూచనలు. విద్యార్థులకు ప్రతిభ వెలుగుచూస్తుంది. నూతన వ్యక్తుల పరిచయం. వ్యాపారులకు లాభాలు. భాగస్వాములతో సఖ్యత. ఉద్యోగులకు అనుకూల పరిస్థితులు. ఇంక్రిమెంట్లు దక్కవచ్చు.
మీనం (ఫిబ్రవరి23 – మార్చి20)
ప్రారంభంలో కొన్ని వివాదాలు, సమస్యలు. పట్టుదల, ధైర్యంతో ముందుకు సాగి, వాటిని అధిగమిస్తారు. సోదరులు, సోదరీలతో ముఖ్య విషయాలు చర్చిస్తారు. సమాజంలో విశేష గౌరవం. రాబడి పెరుగుతుంది. దీర్ఘకాలిక రుణబాధలు తొలగుతాయి. ఆశ్చర్యకరమైన విషయాలు తెలుసుకుంటారు. భూములు, వాహనాలు కొంటారు. వ్యాపారులకు అనుకూల పరిస్థితులు. ఉద్యోగుల సేవలకు తగిన గుర్తింపు.
వక్కంతం చంద్రమౌళి, జ్యోతిష్య పండితులు, ఫోన్‌: 98852 99400
