చెన్నై: కోయంబత్తూరులో దారుణం చోటుచేసుకుంది. మరో వ్యక్తితో అక్రమ సంబంధం పెట్టుకుందనే అనుమానంతో కట్టుకున్న భార్యను దారుణంగా నరికి చంపాడో భర్త.. ఆపై మృతదేహంతో ఫొటో దిగి తన వాట్సాప్ స్టేటస్ గా పెట్టుకున్నాడు. కోయంబత్తూరులోని ఓ హాస్టల్ లో జరిగింది. శ్రీప్రియ, బాలమురుగన్ భార్యాభర్తలు. మనస్పర్ధల వల్ల ఇద్దరూ కొంతకాలంగా విడిగా ఉంటున్నారు.
శ్రీప్రియ ఓ ప్రైవేటు కంపెనీలో పనిచేస్తూ హాస్టల్లో ఉంటోంది. శ్రీప్రియపై అనుమానం పెంచుకున్న బాలమురుగన్.. ఆమె వేరే వ్యక్తితో కలిసి ఉంటోందని ఆగ్రహించాడు. ఈ క్రమంలోనే ఆదివారం హాస్టల్కు వెళ్లి శ్రీప్రియను కలిశాడు. మరోమారు ఇద్దరి మధ్య గొడవ జరగగా.. వెంట తెచ్చుకున్న కొడవలితో బాలమురుగన్ తన భార్య శ్రీప్రియను నరికి చంపాడు. హాస్టల్ నిర్వాకుల సమాచారంతో అక్కడికి చేరుకున్న పోలీసులు.. బాలమురుగన్ను అదుపులోకి తీసుకుని స్టేషన్ కు తరలించారు.
