పద్మారావునగర్, వెలుగు: కుటుంబ సభ్యుల వేధింపులు భరించలేక ఇద్దరు చిన్నారులతో కలిసి హుస్సేన్ సాగర్లో ఆత్మహత్యకు యత్నించిన ఓ వివాహితను రాంగోపాల్పేట పోలీసులు సకాలంలో స్పందించి కాపాడారు. జీడిమెట్లకు చెందిన 23 ఏండ్ల బాధితురాలికి రెండేండ్ల కింద భర్త దూరమయ్యాడు. అప్పటినుంచి తన కొడుకు, కుమార్తెతో కలిసి రాంగోపాల్పేటలోని పుట్టింట్లో ఉంటోంది.
అయితే, తన నడవడికపై అనుమానంతో కన్నవారు, సోదరుడు తనను మానసిక, శారీరక వేధింపులకు గురిచేస్తున్నారని ఆమె ఆవేదన వ్యక్తం చేసింది. ఈ వేధింపులు తట్టుకోలేక గురువారం ఉదయం సాగర్ వద్దకు చేరుకోగా, గమనించిన పోలీసులు ఆమెను అడ్డుకున్నారు. ముగ్గురిని రక్షించి స్టేషన్కు తరలించారు. బాధితురాలికి కౌన్సెలింగ్ ఇచ్చేందుకు హైదరాబాద్లోని సఖి సెంటర్ కు తరలించినట్లు ఎస్హెచ్ఓ సురేశ్ కుమార్ తెలిపారు.
