వాటర్బోర్డు ఎదుట బిల్ కలెక్టర్ల నిరసన

• డెయిలీ వేజ్​ కిందకు మారుస్తూ టెండర్ రిలీజ్​చేయడంపై ఆందోళన
• ఉద్యోగ భద్రత కల్పించాలని డిమాండ్​

హైదరాబాద్​సిటీ, వెలుగు: వాటర్​బోర్డులో 10 నుంచి 20 ఏండ్లుగా పనిచేస్తున్న 673 మంది ఔట్‌‌ సోర్సింగ్ బిల్ కలెక్టర్లు, మీటర్ రీడర్స్ ఉద్యోగ భద్రత కల్పించాలని సోమవారం జలమండలి హెడ్డాఫీసు ఎదుట నిరసన తెలిపారు. ఈ సందర్భంగా జేఏసీ లీడర్లు మాట్లాడుతూ.. జీవో 60 ప్రకారం బిల్ కలెక్టర్లు, మీటర్ రీడర్స్ కు రూ.15,600  జీతం, ఈఎస్​ఐ, పీఎఫ్​ఇచ్చేవారని, కానీ..ఎటువంటి జీవో లేకుండా తమను డెయిలీ వేజ్​కిందకు మారుస్తూ టెండర్ విడుదల చేశారని ఆవేదన వ్యక్తం చేశారు. ప్రభుత్వం స్పందించి తమకు ఉద్యోగ భద్రత కల్పించాలని డిమాండ్​ చేశారు. తమ సమస్యపై అనేకసార్లు వినతిపత్రాలు ఇచ్చినా ప్లానింగ్​కమిషన్​వైస్ చైర్మన్​చిన్నా రెడ్డి చెప్పినా, ప్రొఫెసర్​కోదండరాం ఎండీ అశోక్ రెడ్డికి చెప్పినా ఫలితం లేదన్నారు. 

మీటర్ రీడర్స్ ను ఐఎఫ్​ఎంఐఎస్​ పోర్టల్ లో నమోదు చేయాలని చెప్పినా వినకుండా.. ఆ ఉత్తర్వులను పక్కనపెట్టి టెండర్ల విధానం ద్వారా ప్రైవేట్ ఏజెన్సీలకు లాభం చేకూర్చేలా వ్యవహరిస్తున్నారని ఆరోపించారు. ఏజెన్సీ వ్యవస్థ రద్దు చేసి, శాశ్వత పరిష్కారం చూపాలన్నారు. ఔట్​సోర్సింగ్​స్టేట్ జేఏసీ ప్రెసిడెంట్ పులి లక్ష్మయ్య, తెలంగాణ జన సమితి కార్మికశాఖ అధ్యక్షుడు ఆకుల శ్రీనివాస్, జేఏసీ వర్కింగ్ ప్రెసిడెంట్ మందాల బాలకృష్ణా రెడ్డి, రమేశ్, ఉపేందర్, మనోజ్, వినోద్, శ్రీకాంత్ , సోమి రెడ్డి, రవి, అంజి రెడ్డి, విక్రమ్, మహేందర్ రెడ్డి, శేఖర్, పాల్గొన్నారు.