- దమ్ముంటే పట్టుకోవాలని సవాల్ విసిరిన నిర్వాహకుడు
- 2 నెలలుగా నిఘా వేసి అరెస్ట్.. వరల్డ్ వైడ్గా హ్యాకింగ్ నెట్వర్క్
- యూకే నుంచి సర్వర్లు హ్యాక్ చేసి సినిమాలు డౌన్లోడ్
- వెబ్సైట్ లాగిన్ వివరాలు పోలీసులకు అందజేత
హైదరాబాద్ సిటీ, వెలుగు: పైరసీ సినిమాలకు అడ్డాగా మారిన ఐబొమ్మ వెబ్సైట్ను సైబర్ క్రైమ్ పోలీసులు మూసివేయించారు. లాగిన్స్‌, సర్వర్‌ వివరాలతో వెబ్సైట్ మేనేజర్ ఇమ్మడి రవితోనే వాటిని క్లోజ్‌ చేయించారు. రవి అరెస్ట్తో సంచలన విషయాలు వెలుగులోకి వస్తున్నాయి. వేలాది సినిమాలను హార్డ్ డిస్క్‌‌‌‌లలో స్టోర్ చేసి వరల్డ్ వైడ్గా హ్యాకింగ్ నెట్‌‌‌‌వర్క్‌‌‌‌ను నడిపిస్తున్నట్లు తెలుస్తున్నది.
గెట్టింగ్ అప్, ఈఆర్ ఇన్ఫోటెక్ అనే సాఫ్ట్‌‌‌‌వేర్ కంపెనీలకు రవి సీఈవోగా ఉన్నాడు. తన టీమ్తో కలిసి యూకే నుంచి సర్వర్లను హ్యాక్ చేస్తూ వేలాది సినిమాలను డౌన్లోడ్ చేసేవాడని పోలీసులు గుర్తించారు. కాగా, ఇమ్మడి రవి స్వస్థలం విశాఖపట్నం కాగా.. అతడు ముంబైలో ఎంబీఏ పూర్తి చేసినట్లు విచారణలో వెల్లడైంది. లవ్ మ్యారేజ్ చేసుకున్న రవి.. కొన్ని రోజులకే భార్యతో విడిపోయాడు. 2018 నుంచి హైదరాబాద్ కూకట్పల్లిలోని రెయిన్ బో విస్టా అపార్ట్మెంట్లో ఉంటున్నాడు. ఏం వర్క్ చేస్తావని పక్కనోళ్లు అడిగితే.. సాఫ్ట్ వేర్ ఇంజినీర్ అని చెప్పుకునేవాడు.
దమ్ముంటే పట్టుకోండి అంటూ సవాల్
సినిమాల పైరసీపై సిటీ సైబర్ క్రైం పోలీసులకు ఫిల్మ్ చాంబర్స్ సభ్యులు ఫిర్యాదు చేశారు. కేసు నమోదు చేసుకున్న పోలీసులు.. పైరసీ నెట్వర్క్పై నిఘా పెట్టారు. బాధ్యులను త్వరలోనే పట్టుకుంటామని 2 నెలల కింద పోలీసులు ప్రకటించారు. దీంతో పోలీసులకు ఇమ్మడి రవి సవాల్ విసిరారు. ‘‘మీరు నా మీద ఫోకస్ చేస్తే.. నేను మీ మీద ఫోకస్చేస్తా. మీకు దమ్మంటే పట్టుకోండి. నేను ఒక్కడిని కాదు.. నాది గ్లోబల్ నెట్ వర్క్. మీ యాక్షన్కు నా రియాక్షన్ ఉంటది’’అని హెచ్చరించాడు. అలా వార్నింగ్ ఇచ్చిన నెల రోజుల్లోనే పోలీసులు రవిని పట్టుకున్నారు.
సైబర్ క్రైమ్ డీసీపీని అభినందించిన సీవీ ఆనంద్
సైబర్ క్రైమ్ డీసీపీ కవిత, టీమ్ను హైదరాబాద్ సిటీ పూర్వ సీపీ సీవీ ఆనంద్ అభినందించారు. ‘ఈ అరెస్ట్ హై-లెవెల్ మూవీ పైరసీ కేసుకు సంబంధించింది. డిజిటల్ కంపెనీల సర్వర్లను హ్యాక్ చేసి సినిమాల రిలీజ్ కంటే ముందే వాటిని తమ వెబ్‌‌‌‌సైట్లలో అప్లోడ్ చేశారు. దీంతో సినీ పరిశ్రమకు భారీ నష్టాలు వాటిల్లాయి. సైబర్ క్రైమ్ టీమ్ జూన్ 5 నుంచి రాత్రింబవళ్లు కష్టపడి పనిచేసింది. కీలక వ్యక్తులను అప్పుడే అరెస్ట్ చేసింది. తాజాగా ఫారిన్ నుంచి హైదరాబాద్ వచ్చిన రవిని కూడా అరెస్ట్ చేసింది’’అని సీవీ ఆనంద్ ట్వీట్ చేశారు.
