యువకుడిపై చేయి చేసుకున్న కలెక్టర్

యువకుడిపై చేయి చేసుకున్న కలెక్టర్

సూరజ్ పూర్: కరోనా రూల్స్ ఉల్లంఘించినందుకు ఛత్తీస్ గడ్, సూరజ్ పూర్ కలెక్టర్ రణబీర్  శర్మ.. ఓ యువకుడిపై చేయి చేసుకున్నాడు. అతడి సెల్ ఫోన్ నేలకొసి కొట్టాడు. అంతటితో ఆగకుండా  యువకుడి చెంప చెళ్లుమనిపించాడు. ఆ తర్వాత పక్కనే ఉన్న పోలీసులతో యువకుడిని లాఠీలతో కొట్టించాడు. ఈ ఘటనకు  సంబంధించిన వీడియోలు నెట్ లో వైరల్ అయ్యాయి దీంతో నెటిజన్లు కలెక్టర్ పై ఫైర్ అయ్యారు. 

యువకుడు బయటకు  రావడానికి కారణం చెబుతున్నా వినకుండా, అతను చూపిస్తున్న  పేపర్ ను  కనీసం పట్టించుకోకుండా  కొట్టడం ఏంటని ఆగ్రహం వ్యక్తం చేశారు. ఈ ఘటనపై  పెద్దఎత్తున  విమర్శలు రావడంతో కలెక్టర్ శర్మ సారీ చెప్పారు. యువకుడిపై  తనకు ఎలాంటి కోపం లేదని రణబీర్ శర్మ చెప్పారు. మరోవైపు ఈ ఘటనపై ఛత్తీస్ గఢ్ సీఎం భూపేష్ భగేల్  సీరియస్ అయ్యారు. సూరజ్ పూర్  కలెక్టర్ గా రణబీర్ శర్మను తొలగించారు. ఆయన స్థానంలో గౌరవ్ కుమార్ ను నియమించారు. మరోవైపు శర్మ తీరును IASల అసోసియేషన్ కూడా  తప్పుబట్టింది.