బషీర్బాగ్, వెలుగు: మూవీ పైరసీ కేసులో షరతులతో కూడిన బెయిల్పై విడుదలైన ఐబొమ్మ వెబ్సైట్ నిర్వాహకుడు ఇమ్మడి రవి గురువారం బషీర్బాగ్లోని సీసీఎస్ కార్యాలయంలో హాజరయ్యారు. ప్రతిరోజూ ఉదయం 11 గంటలకు సీసీఎస్ కార్యాలయానికి వచ్చి సంతకం చేయాలన్న హైకోర్టు ఆదేశాలతో ఆయన మొదటిరోజు తన సంతకం పూర్తి చేశారు.
ఈ సందర్భంగా బయట వేచి ఉన్న మీడియా ప్రతినిధులు తనను ప్రశ్నించగా, రవి ఏమాత్రం నోరు విప్పకుండా కేవలం చిరునవ్వుతో దాటవేశారు. తన నోటికి ప్లాస్టర్ ఉందని సైగలు చేస్తూ, ప్రశ్నలకు సమాధానం ఇవ్వకుండానే క్యాబ్ బుక్ చేసుకుని అక్కడి నుంచి వెళ్లిపోయారు.
