స్టూడెంట్లందరూ పరీక్షల్లేకుండానే పాస్..
ఐఐటీ కాన్పూర్ నిర్ణయం
కాన్పూర్: పరీక్షల్లేకుండానే స్టూడెంట్లందరినీ పాస్ చేయాలని ఐఐటీ కాన్పూర్ నిర్ణయించింది. అందరినీ తర్వాతి ఏడాది చదువుకు ప్రమోట్ చేసి సెమిస్టర్ను ముగిస్తామని చెప్పింది. ప్రస్తుతం కరోనా లాక్డౌన్తో ఉన్న అనిశ్చితి వల్లే ఈ నిర్ణయం తీసుకుంటున్నట్టు ఇనిస్టిట్యూట్ డైరెక్టర్ అభయ్ కరంధికర్ చెప్పారు. ‘‘సెమిస్టర్పై స్టూడెంట్లలో ఉన్న గందరగోళాన్ని చెరిపేస్తూ ఈ 2019–20 సెకండ్ సెమిస్టర్ను ముగించాలని నిర్ణయించాం. ఈ ఒక్కసారి స్టూడెంట్లందరికీ పరీక్షల నుంచి మినహాయింపునిస్తునర్నాం. మిడ్సెమిస్టర్ ఎగ్జామ్, క్విజ్, అసైన్మెంట్లు, ప్రాజెక్టుల ఆధారంగా వాళ్ల కోర్సులకు గ్రేడ్స్ ఇస్తాం. ప్రస్తుత అసాధారణ పరిస్థతుల నేపథ్యంలో ఎవరినీ ఫెయిల్ చేయం. ఏ, బీ, సీ, ఎస్ గ్రేడ్స్ ఇస్తాం’’ అని ఆయన ట్వీట్ చేశారు. ఎస్ అంటే శాటిస్ఫ్యాక్టరీ అని చెప్పారు. ఫైనలియర్ స్టూడెంట్ల కోసం క్రెడిట్లకు మినహాయింపునిస్తున్నామన్నారు. అనుకున్న టైంకు వాళ్ల గ్రాడ్యుయేషన్ను నిర్వహిస్తామన్నారు. జూన్30 నాటికి అందరికీ గ్రేడ్స్ ఇస్తామని తెలిపారు. పరీక్షల్లేకుండా స్టూడెంట్లందరినీ పాస్ చేస్తామన్న ఫస్ట్ ఐఐటీగా కాన్పూర్ ఐఐటీ నిలిచింది. అయితే, అంతకుముందు ఐఐటీ బాంబే జూన్1న మొదలు కావాల్సిన సమ్మర్ టర్మ్ను రద్దు చేసింది. ఇది రెగ్యులర్ టర్మ్ కాదు. ఈ టర్మ్లో స్టూడెంట్లు తమ బ్యాక్లాగ్ కోర్సులు, క్రెడిట్ కోర్సులను క్లియర్ చేసుకునే అవకాశం ఉంటుంది.
For More News..
