హైదరాబాద్ సిటీ, వెలుగు: ఎక్సైజ్ డిపార్ట్మెంట్ స్పెషల్ డ్రైవ్లో భారీగా అక్రమ మద్యం పట్టుబడింది. ఎక్సైజ్ ఎన్ఫోర్స్మెంట్ బీ, సీ, డీ సీఐలు భిక్షా రెడ్డి, వెంకటేశ్వర్లు, నాగరాజు సిబ్బంది శంషాబాద్ఎయిర్ పోర్టు బయట రోడ్డుపై వాహనాల తనిఖీలు చేపట్టారు.
ఈ తనిఖీల్లో ఢిల్లీ, గోవా నుంచి తీసుకువస్తున్న 99 మద్యం బాటిళ్లను సీజ్ చేశారు. అలాగే, శంషాబాద్ రోడ్డులో శంషాబాద్ డీటీఎఫ్ సీఐ ప్రవీణ్ కుమార్, శేరిలింగంపల్లి ఎక్సైజ్ స్టేషన్ ఎస్ఐ కిరణ్ చేపట్టిన తనిఖీల్లో 85 బాటిల్స్దొరికాయి. 12 మంది పై కేసు నమోదు చేశారు. దొరికిన మద్యం బాటిల్స్ విలువ రూ. 3.68 లక్షలు గా ఉంటుందన్నారు.
