- వాతావరణ శాఖ వెల్లడి .. 20వ తేదీకి ఎల్లో అలర్ట్ జారీ
- 19న సీఎం మెదక్ టూర్ వాయిదా
హైదరాబాద్, వెలుగు: రాష్ట్రంలో నాలుగు రోజుల పాటు తేలికపాటి నుంచి మోస్తరు వర్షాలు కురుస్తాయని వాతావరణ శాఖ బుధవారం వెల్లడించింది. ఈ నెల 17, 18, 19వ తేదీల్లో తేలికపాటి నుంచి మోస్తరు వర్షాలు.. 20వ తేదీన పలు జిల్లాల్లో భారీ వర్షాలు కురిసే అవకాశం ఉందని పేర్కొంది. 20వ తేదీకి ఎల్లో అలర్ట్ జారీ చేసింది. ఆ రోజు కుమ్రం భీమ్ ఆసిఫాబాద్, మంచిర్యాల, పెద్దపల్లి, జయశంకర్ భూపాలపల్లి, ములుగు, భద్రాద్రి కొత్తగూడెం, మహబూబాబాద్, వరంగల్, హనుమకొండ జిల్లాల్లో భారీ వర్షాలు కురిసే అవకాశం ఉందని తెలిపింది.
శుక్రవారం బంగాళాఖాతంలో అల్పపీడనం ఏర్పడే చాన్స్ ఉందని, దాని ప్రభావంతో వర్షాలు పడే సూచనలు ఉన్నాయని చెప్పింది. కాగా, సీఎం కేసీఆర్మెదక్జిల్లా టూర్వాయిదా పడింది. మెదక్కలెక్టరేట్కాంప్లెక్స్, ఎస్పీ ఆఫీస్తో పాటు బీఆర్ఎస్జిల్లా ఆఫీస్ను ప్రారంభించేందుకు ఈ నెల 19న మెదక్జిల్లాలో కేసీఆర్ పర్యటించాల్సి ఉంది. అయితే రాష్ట్రంలో భారీ వర్షాలు కురిసే అవకాశం ఉందని వాతావరణ శాఖ అలర్ట్జారీ చేసిందని, అందుకే సీఎం టూర్ను వాయిదా వేస్తున్నామని సీఎంవో ప్రకటన విడుదల చేసింది. ఈ నెల 23న సీఎం మెదక్జిల్లాలో పర్యటిస్తారని పేర్కొంది.
