వామ్మో.. ఈ ఐదు ఓవర్లు.. తల్చుకుంటే కివీస్ బౌలర్లకు నిద్ర కూడా పట్టదు !

టీమిండియా, న్యూజిలాండ్ మధ్య జరుగుతున్న మ్యాచ్⁪లో మన ఓపెనర్లు కివీస్ బౌలర్లను ఊచకోత కోశారు. న్యూజిలాండ్ 198 పరుగులు చేయగా.. 199 టార్గెట్⁬లో టీమిండియా బ్యాటింగ్⁪కు దిగింది. ఓపెనర్లుగా బరిలోకి దిగిన వైభవ్ సూర్యవంశీ, అభిషేక్ శర్మ కివీస్ బౌలర్లకు తొలి ఓవర్ నుంచే చుక్కలు చూపించారు. కివీస్ బౌలర్ జాకబ్ డఫ్ఫీ తొలి ఓవర్⁬లో 4 వైడ్స్, ఒక నో బాల్, రెండు సిక్సులు, ఒక ఫోర్⁪తో 26 పరుగులు ఇచ్చి భారీ మూల్యం చెల్లించుకున్నాడు.

Abhishek Sharma Half century Replay 💥✨ #INDvsNZ https://t.co/NN47CMazZP
— Cricket Blaze (@CricketBlaze45) October 27, 2026

రెండో ఓవర్⁬లో 17 పరుగులు, మూడో ఓవర్⁬లో 21 పరుగులు, నాలుగో ఓవర్⁯లో 20 పరుగులు, ఐదో ఓవర్⁬లో 16 పరుగులు.. ఇలా ఐదు ఓవర్లలోనే టీమిండియా స్కోర్ 100 పరుగుల మైలు రాయిని చేరుకుంది. అభిషేక్ శర్మ అయితే పూనకం వచ్చినట్టుగా కివీస్ బౌలర్లపై విరుచుకుపడ్డాడు. 15 బంతుల్లో 50 రన్స్ చేసి సిక్సులు, ఫోర్లతో అభిషేక్ శర్మ అద్భుతంగా బ్యాటింగ్ చేశాడు.

ALSO READ : 15 బంతుల్లోనే అభిషేక్ హాఫ్ సెంచరీ..

వైభవ్ సూర్య వంశీ కూడా 19 బంతుల్లో 4 సిక్సులు, 4 ఫోర్లతో 45 పరుగులు చేసి క్యా్చ్ ఔట్⁪గా వెనుదిరిగాడు. అప్పటికే ఈ ఇద్దరు ఓపెనర్లు న్యూజిలాండ్⁬ గెలుపు ఆశలను సమాధి చేశారు. 5 టీ20 సిరీస్⁬లో ఇప్పటికే రెండు మ్యాచులను గెలిచి సత్తా చాటిన టీమిండియా మూడో మ్యాచ్⁫ను కూడా దాదాపు గెలిచేసి సిరీస్⁭ను కైవసం చేసుకునే దిశగా దూసుకెళుతోంది.