ఎల్బీనగర్, వెలుగు: కూలి పనికి వెళ్తున్న మహిళపై కొందరు ఆకతాయిలు అసభ్యంగా ప్రవర్తించి లైంగిక దాడికి యత్నించారు. ఈ ఘటనలో నలుగురిపై కేసు నమోదు కాగా.. వారంతా పరారీలో ఉన్నారు. ఈ ఘటన మీర్ పేట్ పోలీస్ స్టేషన్ పరిధిలోని లెనిన్ నగర్ లో జరిగింది. పోలీసులు తెలిపిన ప్రకారం.. లెనిన్నగర్లో నివాసముంటున్న ఓ మహిళ(40) మాదన్నపేట్ లోని ఓ మార్కెట్ లో కూలీగా పనిచేస్తోంది.
రోజులానే మంగళవారం తెల్లవారుజామున పనికి వెళ్లేందుకు లెనిన్ నగర్ లోని బస్టాప్కు వచ్చింది. అక్కడ బస్సు కోసం ఎదురుచూస్తుండగా నలుగురు యువకులు అసభ్యంగా ప్రవర్తించారు. లైంగిక దాడికి యత్నించగా ప్రతిగటించడంతో దాడి చేసి పరారయ్యారు. బాధితురాలు మీర్ పేట్ పీఎస్ లో ఫిర్యాదు చేయగా నలుగురిపై కేసు నమోదు చేసినట్లు ఇన్స్పెక్టర్ నాగరాజు తెలిపారు.
