India vs Pakistan: జపాన్లోని నిస్షిన్ (Nisshin) కొరోగి స్పోర్ట్స్ పార్క్ (Korogi Sports Park) వేదికగా జరుగుతున్న ఆసియా క్రీడలు 2026 (Asian Games 2026) మెన్స్ క్రికెట్ పోటీల్లో వాతావరణం కీలక పాత్ర పోషిస్తోంది. వర్షం కారణంగా పాకిస్థాన్, హాంకాంగ్ మధ్య జరగాల్సిన క్వార్టర్ ఫైనల్ మ్యాచ్ రద్దవడంతో పాక్ నేరుగా సెమీస్లోకి దూసుకెళ్లింది. ఇదే రీతిలో టీమిండియా కూడా సెమీఫైనల్కు అర్హత సాధించనుండడంతో, దాయాది జట్ల మధ్య సెమీస్లో హైవోల్టేజ్ పోరు ఉంటుందా అనే ఆసక్తి క్రికెట్ అభిమానుల్లో నెలకొంది.
భారత్ - పాకిస్థాన్ సెమీస్లో తలపడతాయా?:
తాజా షెడ్యూల్, నాకౌట్ డ్రా (Knockout draw) ప్రకారం భారత్ వర్సెస్ పాకిస్థాన్ జట్లు సెమీఫైనల్లో ఒకరితో ఒకరు తలపడవు. ఈ రెండు జట్లు డ్రాలో వేర్వేరు భాగాలలో ఉన్నాయి. రూల్స్ ప్రకారం.. పాకిస్థాన్ జట్టు బంగ్లాదేశ్ వర్సెస్ మలేషియా మధ్య జరిగే మ్యాచ్ విజేతతో తలపడనుండగా, భారత్ జట్టు నేపాల్ వర్సెస్ శ్రీలంక మధ్య జరిగే కంటెస్ట్ విజేతతో (Winner of Nepal vs Sri Lanka) అమీతుమీ తేల్చుకోనుంది. ఒకవేళ ఫైనల్ లేదా కాంస్య పతక పోరు (Gold or Bronze medal match) వస్తేనే దాయాది జట్లు తలపడే ఛాన్స్ ఉంది. ఆసక్తికరమైన విషయమేమిటంటే, ఆసియా క్రీడల క్రికెట్ చరిత్రలో పురుషుల లేదా మహిళల విభాగంలో భారత్ - పాకిస్థాన్ జట్లు ఇప్పటివరకు ఎప్పుడూ పోటీ పడలేదు.
స్వర్ణ పతకంపైనే భారత్ గురి:
ఆసియా గేమ్స్ 2026లో భారత కెప్టెన్ శ్రేయస్ సేన (Shreyas Iyer) ఈ టోర్నీలో స్వర్ణ పతకం (Gold medal) సాధించేందుకు బరిలోకి దిగుతోంది. ఇప్పటికే హర్మన్ప్రీత్ కౌర్ (Harmanpreet Kaur) నేతృత్వంలోని ఇండియా ఉమెన్స్ టీమ్ శ్రీలంకను చిత్తు చేసి బంగారు పతకాన్ని కైవసం చేసుకున్న విషయం తెలిసిందే. ఇప్పుడు పురుషుల జట్టు కూడా అదే జోరును కొనసాగించాలని చూస్తోంది.
