India vs West Indies: లక్నోలోని ఏకనా క్రికెట్ స్టేడియం వేదికగా వెస్టిండీస్‌తో జరుగుతున్న తొలి T20 మ్యాచ్‌లో భారత జట్టు కెప్టెన్ శ్రేయస్ అయ్యర్ టాస్ గెలిచి మొదట ఫీల్డింగ్ (బౌలింగ్) తీసుకున్నాడు. వన్డే సిరీస్‌ను కైవసం చేసుకున్న జోరు మీదున్న టీమిండియా, పొట్టి ఫార్మాట్‌లోనూ అదే దూకుడును ప్రదర్శించాలని చూస్తోంది. కానీ మరో ఎండ్ లో ఉన్న విండీస్ టీమ్ ఈసారి ఇండియాని ఓడించి ప్రతీకారం తీర్చుకోవాలని చూస్తుంది.
భారత కెప్టెన్ శ్రేయస్ అయ్యర్ మాట్లాడుతూ.. మేము ముందుగా బౌలింగ్ చేయాలని నిర్ణయించుకున్నాం.. పిచ్ మిశ్రమ (ఎర్ర, నల్ల) మట్టితో తయారైంది, అంతేకాకుండా రెండో ఇన్నింగ్స్‌లో మంచు (Dew) ప్రభావం ఉండే ఛాన్స్ ఉంది. ప్రయాణం కాస్త హెకిక్‌గా (అలసటగా) సాగింది, నిన్ననే ఇక్కడకు చేరుకున్నాం. అయినప్పటికీ మా కుర్రాళ్లంతా మంచి జోరులో ఉన్నారు. వెస్టిండీస్ జట్టు ఇటీవలి కాలంలో T20 క్రికెట్‌లో అద్భుతంగా రాణిస్తోంది. వారి దగ్గర మంచి బ్యాటర్లు, ఆల్రౌండర్లు ఉన్నారు. ఈ పోరు కోసం మేమంతా ఆసక్తిగా ఎదురుచూస్తున్నామని శ్రేయస్ తెలిపాడు. ఈ మ్యాచ్‌లో రవి బిష్ణోయ్, నితీశ్ కుమార్ రెడ్డి, వైభవ్ సూర్యవంశీతో పాటు ప్రిన్స్ యాదవ్ బెంచ్‌పై కూర్చోనున్నట్లు ఆయన వెల్లడించారు.
వెస్టిండీస్ కెప్టెన్ షాయ్ హోప్ మాట్లాడుతూ.. మేము టాస్ గెలిచినా బౌలింగ్ తీసుకునేవారమే. భారతదేశంలో లక్ష్య ఛేదన (Chase) చేయడం ఎప్పుడూ మంచిదే. ఇక్కడి పరిస్థితులకు మేము వీలైనంత త్వరగా అలవాటు పడాలి.. మా జట్టులో కొత్త ఆటగాళ్లు వచ్చారు, కొందరు వెళ్లారు. ఏదేమైనా మా బెస్ట్ ఆటను ప్రదర్శించేందుకు సిద్ధంగా ఉన్నాం.. మా జట్టులో ఆరుగురు బౌలింగ్ ఆప్షన్లతో పాటు ఆల్రౌండర్లు కూడా ఉన్నారని హోప్ పేర్కొన్నాడు.
ఇరు జట్లు:
భారత్: అభిషేక్ శర్మ, సంజు శాంసన్ (వికెట్ కీపర్), ఇషాన్ కిషన్, శ్రేయస్ అయ్యర్(కెప్టెన్), తిలక్ వర్మ, శివమ్ దూబే, నమన్ ధీర్, అక్షర్ పటేల్, అర్ష్‌దీప్ సింగ్, కుల్దీప్ యాదవ్, మయాంక్ యాదవ్
వెస్టిండీస్: షాయ్ హోప్ (వికెట్ కీపర్/కెప్టెన్), కమిల్ పూరన్, షిమ్రాన్ హెట్మెయర్, రోవ్‌మన్ పావెల్, షెర్ఫాన్ రూథర్‌ఫోర్డ్, రొమారియో షెపర్డ్, మాథ్యూ ఫోర్డ్, రోస్టన్ చేజ్, అకేల్ హోసేన్, షమర్ స్ప్రింగర్, షమర్ జోసెఫ్
🚨 Toss and Team News 🚨 #TeamIndia have won the toss and elected to bowl in the 1️⃣st #INDvWI T20I. Here's a look at the Playing XI 🙌 Updates ▶️ https://t.co/2czVyKWreK @mflone_ https://t.co/mgtnslR6GZ
— BCCI (@BCCI) October 6, 2026
