దుబాయ్ వేదికగా ఆదివారం (సెప్టెంబర్ 21) ఇండియా, పాకిస్థాన్ మ్యాచ్ ప్రారంభమైంది. ఆసియా కప్ సూపర్-4లో దాయాధి జట్లు తలపడుతున్న తొలి మ్యాచ్. దుబాయ్ ఇంటర్నేషనల్ స్టేడియంలో జరుగుతున్న ఈ మ్యాచ్ లో టీమిండియా టాస్ గెలిచి ఫీల్డింగ్ ఎంచుకుంది. లీగ్ దశలో వరుస విజయాలతో సూపర్ ఫామ్ లో ఉన్న ఇండియా తన ఊపును కొనసాగించాలనుకుంటుంది. మరోవైపు పాకిస్థాన్.. టీమిండియా ఎలాగైనా షాక్ ఇవ్వాలని చూస్తోంది.
ఈ మ్యాచ్ లో ఇండియా రెండు మార్పులతో బరిలోకి దిగుతుంది. ఒమన్ తో జరిగిన మ్యాచ్ కు దూయమైన స్టార్ బౌలర్లు జస్ప్రీత్ బుమ్రా, వరుణ్ చక్రవర్తి జట్టులో వచ్చారు. అర్షదీప్ సింగ్, హర్షిత్ రానా ప్లేయింగ్ 11 నుంచి తొలగించబడ్డారు. మరోవైపు పాకిస్థాన్ రెండు మార్పులతో బరిలోకి దిగుతోంది. ఆల్ రౌండర్ ఫహీమ్ అష్రాఫ్ హసన్ నవాజ్ స్థానంలో జట్టులోకి వచ్చాడు. కుషీదుల్ స్థానంలో హుస్సేన్ తలత్ ప్లేయింగ్ 11 లో చోటు దక్కించుకున్నాడు.
పాకిస్థాన్ (ప్లేయింగ్ XI):
సైమ్ అయూబ్, సాహిబ్జాదా ఫర్హాన్, ఫఖర్ జమాన్, సల్మాన్ అఘా (కెప్టెన్), హుస్సేన్ తలత్, మహ్మద్ హారీస్ (వికెట్ కీపర్), మహ్మద్ నవాజ్, ఫహీమ్ అష్రఫ్, షాహీన్ అఫ్రిది, హారీస్ రవూఫ్, అబ్రార్ అహ్మద్
భారత్ (ప్లేయింగ్ XI):
అభిషేక్ శర్మ, శుభ్‌మన్ గిల్, సూర్యకుమార్ యాదవ్ (కెప్టెన్), తిలక్ వర్మ, సంజు శాంసన్ (వికెట్ కీపర్), శివమ్ దూబే, హార్దిక్ పాండ్యా, అక్షర్ పటేల్, జస్ప్రీత్ బుమ్రా, కుల్దీప్ యాదవ్, వరుణ్ చక్రవర్తి
