పాకిస్తాన్, ఇంగ్లాండ్, శ్రీలంక మధ్య వన్డే ముక్కోణపు సిరీస్.. షెడ్యూల్ ఇదే! 

PAK ENG SL Tri-Series: 2027 వన్డే ప్రపంచ కప్‌కు సరిగ్గా మరో ఏడాది మాత్రమే సమయం ఉన్న నేపథ్యంలో, పాకిస్థాన్ క్రికెట్ బోర్డు (PCB) ఆతిథ్యంలో వన్డే ముక్కోణపు సిరీస్ (ODI Tri-Series 2026) ప్రారంభం కానుంది. అక్టోబర్ 18 నుంచి 31వ తేదీ వరకు జరిగే ఈ టోర్నీలో పాకిస్థాన్, ఇంగ్లాండ్, శ్రీలంక జట్లు తలపడనున్నాయి. 2025లో ఛాంపియన్స్ ట్రోఫీకి ముందు సౌతాఫ్రికా, న్యూజిలాండ్‌లతో టోర్నీ నిర్వహించిన తర్వాత పాకిస్థాన్ ఆతిథ్యమిస్తున్న రెండో వన్డే ట్రై-సిరీస్ ఇది కావడం విశేషం. ఈ టూర్ ద్వారా ఇంగ్లాండ్ జట్టు ఏకంగా 2005 తర్వాత తొలిసారిగా పాక్ గడ్డపై వన్డే సిరీస్ ఆడబోతుండటంతో క్రికెట్ వర్గాల్లో తీవ్ర ఆసక్తి నెలకొంది.

సిరీస్ విశ్లేషణ: 

* పాకిస్థాన్: స్వదేశంలో జరుగుతుండటంతో పాక్ ఈ సిరీస్‌లో ఫేవరెట్‌గా బరిలోకి దిగుతోంది. పేసర్ షాహీన్ షా ఆఫ్రిది (Shaheen Shah Afridi) కెప్టెన్‌గా జట్టును నడిపించనుండగా, బాబర్ ఆజమ్, ఫఖర్ జమాన్, రౌఫ్ వంటి స్టార్లతో టీమ్ బలంగా ఉంది.

* ఇంగ్లాండ్: జూస్ బట్లర్, జోఫ్రా ఆర్చర్ లాంటి దిగ్గజాలు దూరమైనప్పటికీ, హ్యారీ బ్రూక్ (Harry Brook) సారథ్యంలో ఇంగ్లాండ్ అద్భుతమైన ఫామ్‌లో ఉంది. ఇటీవల భారత్‌ను, శ్రీలంకను వన్డేల్లో ఓడించిన ఉత్సాహంతో బరిలోకి దిగుతోంది.

* శ్రీలంక: కుసల్ మెండిస్ (Kusal Mendis) నాయకత్వంలోని లంక జట్టు ఇటీవల పేలవ ప్రదర్శనలతో ఇబ్బంది పడుతోంది. 2027 వరల్డ్ కప్ రేసులో పుంజుకోవడానికి ఈ సిరీస్ వారికి మంచి అవకాశం.

లైవ్ స్ట్రీమింగ్: 

భారతదేశంలోని క్రికెట్ అభిమానులు ఈ సిరీస్ మ్యాచ్‌లను Sony Sports Network (సోనీ స్పోర్ట్స్) ఛానెళ్లలో ప్రత్యక్ష ప్రసారం ద్వారా తిలకించవచ్చు. అలాగే డిజిటల్ వీక్షకులు Sony LIV (సోనీ లివ్) యాప్ మరియు వెబ్‌సైట్‌లో లైవ్ స్ట్రీమింగ్ చూడవచ్చు.

►ALSO READ | సీఎస్కే మెంటార్‌గా ధోనీ?.. జహీర్ ఖాన్ హెడ్ కోచ్‌గా రావడంపై అశ్విన్ కీలక వ్యాఖ్యలు

3 జట్ల పూర్తి వివరాలు: 

* పాకిస్థాన్ జట్టు: షాహీన్ షా ఆఫ్రిది (కెప్టెన్), అబ్రార్ అహ్మద్, సల్మాన్ అలీ ఆఘా, అరఫాత్ మిన్హాస్, బాబర్ ఆజమ్, ఫహీమ్ అష్రఫ్, ఫఖర్ జమాన్, ముహమ్మద్ ఘాజీ ఘోరీ (వికెట్ కీపర్), హారీస్ రౌఫ్, హసన్ నవాజ్, నసీమ్ షా, రజావుల్లా, సాద్ బేగ్ (వికెట్ కీపర్), సైమ్ అయూబ్, షాదాబ్ ఖాన్, సుఫియాన్ మోకిమ్.

* ఇంగ్లాండ్ జట్టు: హ్యారీ బ్రూక్ (కెప్టెన్), గస్ అట్కిన్సన్, సోనీ బేకర్, టామ్ బాంటన్, జేమ్స్ కోల్స్, జోర్డాన్ కాక్స్, మేసన్ క్రేన్, హెన్రీ క్రోకోంబ్, సామ్ కుర్రాన్, లియామ్ డాసన్, బెన్ డకెట్, విల్ జాక్స్, జేమీ ఓవర్టన్, ఆదిల్ రషీద్, జో రూట్, జోష్ టంగ్.

* శ్రీలంక జట్టు: కుసల్ మెండిస్ (కెప్టెన్), సహన్ అరచ్చిగే, దుష్మంత చమీర, సచిందు కొలోంబాగే, అవిష్క ఫెర్నాండో, అసిథ ఫెర్నాండో, జనిత్ లియనాగే, దిల్షాన్ మధుశంక, ఈషన్ మలింగ, కమిందు మెండిస్, కమిల్ మిషార, లహిరు ఉదార, పవన్ రత్నాయకే, దసున్ షానక, మహీష్ తీక్షణ, దునిత్ వెల్లలాగే.