స్విస్ బ్యాంకుల్లో భారతీయులు దాచిన నిధులు భారీగా పెరిగాయి. డిపాజిట్లు 3.54 బిలియన్ స్విస్ ఫ్రాంక్‌లకు చేరుకున్నాయి. ఇది 2021 తర్వాత అత్యధికం. పెరుగుదలలో ఎక్కువ భాగం బ్యాంకు మార్గాల ద్వారానే వచ్చాయి. భారతీయ క్లయింట్ల నుండి ప్రత్యక్ష డిపాజిట్లు కూడా స్వల్పంగా పెరిగాయి.
2024లో స్విస్ బ్యాంకుల్లో ఉన్న భారతీయ నిధులు 37వేల600 కోట్లకు పెరిగాయి. ఇది గతేడాది కంటే మూడు రెట్లు ఎక్కువ. ఇది 2021 తర్వాత అత్యధికం.స్విస్ బ్యాంకుల్లో భారతీయుల డబ్బు 2024లో మూడు రెట్లు పెరిగి 3.5 బిలియన్ స్విస్ ఫ్రాంక్‌లకు చేరుకుందని స్విట్జర్లాండ్ సెంట్రల్ బ్యాంక్ గురువారం (జూన్19) విడుదల చేసిన వార్షిక డేటా వెల్లడించింది.
భారతీయ క్లయింట్ల కస్టమర్ ఖాతాల్లోని డబ్బు ఈయేడాది కేవలం 11 శాతం మాత్రమే పెరిగి 346 మిలియన్ స్విస్ ఫ్రాంక్‌లకు (దాదాపు రూ. 3,675 కోట్లు) చేరుకుంది.. ఇది మొత్తం నిధులలో పదో వంతు అని ప్రకటించింది స్విస్ బ్యాంకు.
స్విస్ బ్యాంకు వార్షిక డేటా ప్రకారం.. 2023లో స్థానిక శాఖలు ,ఇతర ఆర్థిక సంస్థలు సహా స్విస్ బ్యాంకుల్లో భారతీయ వ్యక్తులు ,సంస్థలు ఉంచిన నిధులు 70 శాతం తగ్గి 1.04 బిలియన్ స్విస్ ఫ్రాంక్‌లకు తగ్గడంతో మొత్తం నిధులలో పెరిగిందని తెలిపింది. 2021 తర్వాత ఇది అత్యధికం. ఆ సంవత్సరం స్విస్ బ్యాంకుల్లో మొత్తం భారతీయుల డబ్బు 14 సంవత్సరాల గరిష్ట స్థాయి 3.83 బిలియన్లకు చేరింది.
గ్లోబల్ ర్యాంకింగ్స్ ప్రకారం.. 2024లో స్విస్ బ్యాంకుల్లో ఉన్న నిధులకు సంబంధించి భారతదేశం 48వ స్థానంలో ఉంది. ఇది 2023లో 67వ స్థానంలో ఉంది. 2022లో ఇది 46వ స్థానంలో ఉంది.ఈ డేటా స్విస్ బ్యాంకులాంటి అంతర్జాతీయ ఆర్థిక హోల్డింగ్‌ల డైనమిక్ స్వభావాన్ని ,పారదర్శకత, అనుమతిని నిర్ధారించడంలో నియంత్రణ చట్రాల ప్రాముఖ్యతను నొక్కి చెబుతుంది.
