హైదరాబాద్, వెలుగు: ఈ నెల 22 నుంచి ప్రారంభం కానున్న ఇంటర్ అడ్వాన్స్ డ్ సప్లిమెంటరీ పరీక్షలకు అధికారులు ఏర్పాట్లు చేస్తున్నారు. ఈ పరీక్షలు రాసేందుకు రాష్ట్రవ్యాప్తంగా 4,12,724 మంది ఫీజు చెల్లించారు. అపరాద రుసుము లేకుండా 4,08,339 మంది చెల్లించగా, వెయ్యి ఫైన్తో 4,385 మంది దరఖాస్తు చేసుకున్నారు.
కాగా, ఫస్టియర్ జనరల్ స్టూడెంట్లు 2,49,032 మంది, ఒకేషనల్ స్టూడెంట్లు 16,994 మంది ఫీజు చెల్లించగా, సెకండియర్ జనరల్ స్టూడెంట్లు 1,34,341 మంది, ఒకేషనల్ విద్యార్థులు 12,357 మంది ఫీజు కట్టినట్టు అధికారులు చెప్పారు.
