కాశీబుగ్గ, వెలుగు: స్థానిక రైతుల పండించిన ఉత్పత్తులను రవాణ చేసేందుకు వ్యాగన్లను తెస్తామని ఐఆర్టీఎస్ ప్రిన్సిపల్ చీఫ్ కమర్షియల్ మేనేజర్ కేఆర్కే రెడ్డి తెలిపారు. వరంగల్ చాంబర్ ఆఫ్ కామర్స్ ఆఫీస్లో సౌత్ సెంట్రల్ రైల్వే బిజినెస్ డెవలప్మెంట్ యూనిట్తో బుధవారం రివ్యూ మీటింగ్ నిర్వహించారు. ఈ సందర్భంగా ఆయన మాట్లాడుతూ.. పత్తి, కాటన్, రైస్, మిర్చీని వరంగల్ నుంచి ఎగుమతి చేయడంలో వ్యాపారులు ఎదుర్కొంటున్న సమస్యల పై రివ్యూ చేశారు.
రోడ్డు మార్గాల్లో ఉత్పత్తులను రవాణా చేయడం ద్వారా ఓవర్ లోడ్, పెనాల్టీలతో నష్టం కలుగుతున్నట్టు తెలిపారు. చింతలపల్లి గూడ్స్ సైడింగ్ను కంటైనర్ టర్మినల్గా మార్చితే సరుకులు రవాణకు సౌకర్యంగా ఉంటుందని , ఆ దిశగా ఏర్పాట్లు చేస్తామన్నారు. ఈ కార్యక్రమంలో సీనియర్ టీసీఎం బస్వరాజు, చీఫ్ కమర్షియల్ మేనేజర్ రమేశ్ బాబు, సౌత్ సెంట్రల్ రైల్వే ఆఫీసర్లలు, వ్యాపారస్తులు అల్లె సంపత్ పాల్గొన్నారు.
