విప్రో లాభం రూ. 2,870 కోట్లు
క్యూ 1 రెవెన్యూ రూ. 22,831 కోట్లు
బెంగళూరు : ఐటీ సేవల కంపెనీ విప్రో జూన్2023 క్వార్టర్లో తన లాభాన్ని 12 శాతం పెంచుకుంది. లాభం అంతకు ముందు ఏడాది క్యూ 1 లోని రూ. 2,563.60 కోట్ల నుంచి తాజా క్యూ 1 లో రూ. 2,870 కోట్లకు చేరింది. మొదటి క్వార్టర్లో రెవెన్యూ కూడా 6 శాతం ఎక్కువై రూ. 22,831 కోట్లయిందని కంపెనీ ప్రకటించింది. మార్కెట్ అంచనాలను మాత్రం విప్రో చేరుకోలేకపోయింది. క్లయింట్లు పెట్టే ఖర్చు కొంత తగ్గుతోందని, కాకపోతే కొత్త బిజినెస్ కొంత ఊపందుకుంటోందని రిజల్ట్స్ ప్రకటన సందర్భంగా కంపెనీ వెల్లడించింది. ఇక సీక్వెన్షియల్గా చూస్తే మాత్రం కంపెనీ రెవెన్యూ, లాభం తగ్గిపోయాయి. లాభం 6.65 శాతం తగ్గితే, రెవెన్యూ 1.55 శాతం పడిపోయింది.
