హైదరాబాద్, వెలుగు: ఉద్యోగుల సమస్యలు పరిష్కరించాలని ఉద్యోగ సంఘాల జేఏసీ ప్రభుత్వాన్ని కోరింది. మంగళవారం నాంపల్లిలోని టీఎన్జీవో భవన్ లో టీఎన్జీవో, టీజీవో, గ్రూప్ 1, రెవెన్యూ, టీచర్లతో పాటు 40 సంఘాలు సమావేశమై పలు తీర్మానాలు చేశాయి. ఈ కార్యక్రమంలో టీఎన్జీవో అధ్యక్షుడు మారం జగదీశ్వర్, టీజీవో అధ్యక్షుడు ఏలూరి శ్రీనివాసరావు, గ్రూప్ 1 అసోసియేషన్ ప్రెసిడెంట్ చంద్రశేఖర్ గౌడ్, ఇంటర్ జేఏసీ చైర్మన్ మధుసూదన్ రెడ్డి, రెవెన్యూ అసోసియేషన్ నేత వంగ రవీందర్ రెడ్డితో పాటు పలువురు పాల్గొన్నారు. సీపీఎస్ను రద్దు చేయాలని, పెండింగ్ డీఏలు విడుదల చేయాలని, ఉద్యోగులకు సంబంధించిన ఈహెచ్ ఎస్ పై వెంటనే ఉత్తర్వులు ఇవ్వాలని నేతలు కోరారు. ఉద్యోగుల బదిలీలు, ప్రమోషన్లు, మెడికల్ పెండింగ్ బిల్లులు రిలీజ్ చేయాలన్నారు.
