బీజింగ్: హార్మూజ్ జలసంధిని రక్షించేందుకు అంతర్జాతీయ సైనిక కూటమిలో చేరాలని, యుద్ధనౌకలు పంపాలని అమెరికా అధ్యక్షుడు ట్రంప్ పిలుపును చైనా సున్నితంగా తోసిపుచ్చింది. హార్మూజ్ జలసంధి రక్షణకు దౌత్యమే మార్గమని.. వెంటనే ఇరాన్పై సైనిక చర్యలను నిలిపివేయాలని అమెరికా, ఇజ్రాయెల్కు తేల్చి చెప్పింది. సోమవారం చైనా విదేశాంగ శాఖ ప్రతినిధి లిన్ జియాన్ మీడియాతో మాట్లాడారు. "హార్మూజ్ జలసంధి, దాని పరిసర ప్రాంతాల్లో నెలకొన్న ఉద్రిక్తతలు అంతర్జాతీయ వాణిజ్యంతోపాటు ఇంధన సరఫరాపై ప్రతికూల ప్రభావం
చూపుతున్నాయి" అని పేర్కొన్నారు.
