హైదరాబాద్, వెలుగు: కొత్త పీఆర్సీ కమిటీని వెంటనే ఏర్పాటు చేయాలని జాయింట్ యాక్షన్ కమిటీ ఆఫ్ టీచర్స్ యూనియన్స్ (జాక్టో) డిమాండ్ చేసింది. టీచర్ల సమస్యల పరిష్కారం కోసం త్వరలోనే ఉద్యమం చేపడ్తమని వెల్లడించింది. సోమవారం ఎస్టీయూ భవన్లో జాక్టో సమావేశం జరిగింది. ఈ సందర్భంగా జాక్టో నేతలు సదానందం గౌడ్, కృష్ణుడు మాట్లాడుతూ... టీచర్ల బదిలీలు, ప్రమోషన్ల కోర్టు వివాదాన్ని పరిష్కరించేందుకు ప్రభుత్వం చొరవ చూపాలని అన్నారు. పెండింగ్లో ఉన్న పండిట్, పీఈటీల అప్గ్రేడేషన్ ప్రక్రియ పూర్తిచేయాలని కోరారు. ఈహెచ్ఎస్ ను నూతన విధివిధానాలతో త్వరితగతిన అమలు చేయాలని తెలిపారు. టీచర్ పోస్టులు ఖాళీగా ఉన్నందున స్టూడెంట్ల సంఖ్యకు అనుగుణంగా విద్యావాలంటీర్లను నియమించాలని, జీవో 317తో నష్టపోయిన టీచర్ల అప్పీల్స్ను పరిష్కరించాలని డిమాండ్ చేశారు. పెండింగ్ బిల్లులను ఇవ్వాలని విజ్ఞప్తి చేశారు. సమావేశంలో జాక్టో నేతలు మట్టపల్లి రాధాకృష్ణ, చైతన్య, హేమచంద్రుడు, శ్రీనివాస్, రాములు తదితరులు పాల్గొన్నారు.
ALSO READ:హెచ్డీఎఫ్సీ బ్యాంక్ ప్రపంచంలోనే..7వ పెద్ద బ్యాంక్
