పంజాగుట్ట, వెలుగు: పారదర్శక పాలన అందించడమే లక్ష్యమని జూబ్లీహిల్స్ కో-ఆపరేటివ్ హౌసింగ్ సొసైటీ చైర్మన్ అభ్యర్థి బొల్లినేని సీనయ్య తెలిపారు. పోటీలో ఉన్న గ్రోత్, గవర్నెన్స్ ప్యానెల్ సభ్యుల లిస్టును బుధవారం సోమాజీగూడ ప్రెస్ క్లబ్లో రిలీజ్చేశారు.ఈ సందర్భంగా ఆయన మాట్లాడుతూ.. సొసైటీ సభ్యుల సంక్షేమం, మెరుగైన మౌలిక వసతుల కల్పనే ధ్యేయంగా తమ స్వతంత్ర బృందం పనిచేస్తుందని తెలిపారు. పాత ప్యానెళ్లతో తమ సభ్యులకు సంబంధం లేదన్నారు.
జూబ్లీహిల్స్సొసైటీని దేశంలోనే అత్యుత్తమ సొసైటీల్లో ఒకటిగా తీర్చిదిద్దుతామని చెప్పారు. ఈ ప్యానెల్లో పి.శ్రీనివాస్ రావు, ఎంఆర్సీ.నాయుడు, డా.అనిల్, జ్యోతి ప్రసాద్, ఆజాద్ బాబు, రమేశ్బాబు, ఐ.ప్రవీణ్, అనిల్ రెడ్డి, వి.ప్రవీణ్ రెడ్డి, వినోద్ రెడ్డి, రత్నావళి సభ్యులుగా ఉన్నారన్నారు. మహిళా విభాగం నుంచి అరుణశ్రీ, శ్రావంతి రాజు, ఎస్సీ విభాగం నుంచి మురళీకృష్ణను నామినేట్ చేశామని పేర్కొన్నారు.
