దివంగత ముఖ్యమంత్రి, మహానటుడు నందమూరి తారక రామారావు శతజయంతి సందర్భంగా కేంద్రం రూ.100 స్మారక నాణేంను ఇవాళ(ఆగస్టు 28) విడుదల చేయనుంది. రాష్ట్రపతి ద్రౌపదీ ముర్ము చేతల మీదుగా ఈ నాణెం విడుదల కానుంది. ఈ కార్యక్రమంలో ఏపీ బీజేపీ అధ్యక్షురాలు దగ్గుబాటి పురందేశ్వరి, మాజీ మంత్రి దగ్గుబాటి వెంకటేశ్వరరావు, ఆయన కుమారుడు నందమూరి బాలకృష్ణతో పాటు ఎన్టీఆర్ కుటుంబ సభ్యులు కూడా పాలోననున్నారు.
అంతేకాదు ఈ కార్యక్రమానికి టీడీపీ, బీజేపీ, పలు పార్టీల ప్రముఖులతో దాదాపు 200 మందికి ఆహ్వానాలు వెళ్లాయి. అందులో జూనియర్ ఎన్టీఆర్ కూడా ఉన్నారు. అయితే ఈ కార్యక్రమానికి జూనియర్ ఎన్టీఆర్ హాజరు కావట్లేదని తెలుస్తోంది.
కారణం జూనియర్ ఎన్టీఆర్ ప్రస్తుతం దేవర సినిమా షూటింగ్ లో బిజీగా ఉండటమే. దర్శకుడు కొరటాల శివ తెరకెక్కిస్తున్న ఈ సినిమా షూటింగ్ ప్రస్తుతం హైదరాబాద్ లో వేసిన ప్రత్యేకమైన సెట్స్ లో జరుగుతోంది. ఈ కారణంగానే జూనియర్ ఎన్టీఆర్ ఈ కార్యక్రమానికి హాజరుకావడం లేదని తెలుస్తుంది. గతంలో హైదరాబాద్ లో జరిగిన ఎన్టీఆర్ శతజయంతి వేడుకలకు కూడా హాజరు కాలేదు జూనియర్ ఎన్టీఆర్. ఈ విషయంలో కూడా జూనియర్ ఎన్టీఆర్ పై విమర్శలు వచ్చాయి.
ఇక ఇప్పుడు కేంద్ర ప్రభుత్వం నిర్వహిస్తున్న ఎన్టీఆర్ 100 రూపాయల స్మారక నాణెం విడుదల కార్యక్రమానికి కూడా జూనియర్ ఎన్టీఆర్ హాజరు కాకపోవడం చర్చనియ్యాంశంగా మారింది.
