- కాంగ్రెస్ నాయకులు జువ్వాడి
మెట్ పల్లి, వెలుగు : కోరుట్ల ఎమ్మెల్యే సంజయ్, మాజీ ఎమ్మెల్యే విద్యాసాగర్ రావు అధికార దుర్వినియోగానికి పాల్పడి.. తన తోటలో, ఇంట్లో పని చేస్తున్న కార్మికులకు బల్దియా నుంచి జీతాలు ఇప్పించి ప్రభుత్వ ధనాన్ని దుర్వినియోగం చేశారని కాంగ్రెస్ నాయకులు జువ్వాడి కృష్ణారావు ఆరోపించారు. పదేళ్లుగా బల్దియా నుంచి చెల్లించిన జీతాలను వెంటనే రికవరీ చేయాలని డిమాండ్ చేశారు.
మాజీ ఎమ్మెల్యే విద్యాసాగర్ రావు తన తోటలు, ఫామ్ హౌజ్, ఇంట్లో పని చేస్తున్న 10 మంది కార్మికులకు కోరుట్ల, మెట్ పల్లి బల్దియాల నుంచి జీతాలు ఇప్పించారని పేర్కొన్నారు. కార్యక్రమంలో పట్టణ కాంగ్రెస్ అధ్యక్షులు లింగం, కొంతం రాజు, మైపాల్ రెడ్డి, జెట్టి లక్ష్మణ్, ఎల్లా నరేశ్పాల్గొన్నారు.
