ఆదిలాబాద్, వెలుగు: కాంగ్రెస్ పార్టీ నాయకులు ఎన్నికల ప్రచారం ముమ్మరం చేశారు. ఎంపీ అభ్యర్థి ఆత్రం సుగుణను గెలిపించాలంటూ ఆదివారం ఆదిలాబాద్ పట్టణంలోని 44, 45 వార్డుల్లో ఆ పార్టీ నియోజకవర్గ ఇన్చార్జి కంది శ్రీనివాస్ రెడ్డి వినూత్నంగా ప్రచారం చేశారు. ఓటర్లను ఆకట్టుకునేలా చాయ్ చేస్తూ.. మెషీన్ కుడుతూ ప్రచారం చేపట్టారు. మావల గ్రామంలో కిసాన్ కాంగ్రెస్ రాష్ట్ర ప్రధాన కార్యదర్శి శ్రీకాంత్ రెడ్డి ఇటింటికీ తిరుగుతూ ఆత్రం సుగుణను గెలిపించాలని కోరారు. ఈ కార్యక్రమంలో వైస్ ఎంపీపీ గోవర్ధన్ రెడ్డి, మావల మండల అధ్యక్షుడు ధర్మపురి చంద్రశేఖర్, జిల్లా మహిళా అధ్యక్షురాలు మంచికట్ల ఆశమ్మ, కౌన్సిలర్లు తదితరులు పాల్గొన్నారు.
