‘ప్రియురాలు’, ‘జీ5’ ఓటీటీలో వచ్చిన ‘సిట్ (S.I.T)’ వంటి ప్రాజెక్ట్లతో డిజిటల్ ప్రేక్షకులను ఆకట్టుకున్న యువ నటుడు కౌశిక్ మేకల, ప్రస్తుతం వరుస చిత్రాలతో టాలీవుడ్లో దూసుకుపోతున్నారు. కేవలం వెబ్ సిరీస్లకే పరిమితం కాకుండా ఇటీవల 'పార్ట్ టైమర్స్' వెబ్ సిరీస్తో హీరోగా నటించి యూత్కు దగ్గరయ్యాడు. అంతేకాకుండా టాలీవుడ్ అగ్ర హీరోలు నాగార్జున, ఎన్టీఆర్లతో కలిసి ప్రముఖ బ్రాండ్ ప్రకటనల్లోనూ నటించి బుల్లితెర ప్రేక్షకులకు సైతం సుపరిచితులయ్యారు. ప్రకటనలు, ఓటీటీ సిరీస్లతో ఫుల్ బిజీగా ఉన్న యువ హీరో.. ఇప్పుడు వెండితెరపై కూడా తన అదృష్టాన్ని పరీక్షించుకునేందుకు సిద్ధం అయ్యాడు.
కౌశిక్ ప్రధాన పాత్రలో నటించిన "వైరల్ వీడియో" చిత్రం ఇప్పటికే అన్ని కార్యక్రమాలను పూర్తి చేసుకుని విడుదలకి రెడీగా ఉంది. మరోవైపు జీవీ రామరాజు దర్శకత్వంలో ఆయన హీరోగా చేసిన చిత్రం కూడా విడుదలకు సిద్ధమవుతుండగా, ఫైన్ ఫ్రేమ్ ఫిల్మ్స్ బ్యానర్లో తెరకెక్కుతున్న మరో సినిమా ప్రస్తుతం పోస్ట్ ప్రొడక్షన్ పనుల్లో శరవేగంగా కొనసాగుతోంది. ఇవి కాకుండా 'సైక్ సిద్ధార్థ్' చిత్ర దర్శకుడు వరుణ్ రెడ్డి దర్శకత్వంలో మరో సినిమా చేయనున్నారు. ఇలా 3 సినిమాలు సెట్స్ మీద ఉండగా.. మరికొన్ని సినిమాలు డిస్కషన్స్ స్టేజ్ లో ఉన్నాయి.
భిన్నమైన కథాంశాలను, డిఫరెంట్ కంటెంట్ను ఎంచుకుంటూ.. నటుడిగా తనకంటూ ప్రత్యేక గుర్తింపు తెచ్చుకుంటున్న కౌశిక్. రాబోయే రోజుల్లో క్రేజీ ప్రాజెక్ట్లతో టాలీవుడ్లో మరింత గొప్ప స్థానాన్ని సంపాదించుకోవాలని ప్రయత్నిస్తున్నాడు. ఓటీటీ స్థాయి నుంచి వెండితెర హీరోగా ఎదుగుతున్న కౌశిక్ ప్రయాణం కొత్త ప్రాజెక్టులతో బిజీబిజీగా నడుస్తోంది ప్రస్తుతం.
ALSO READ : భార్య మిస్సింగ్ మిస్టరీ.. OTTలోకి వరుణ్ సందేశ్, శ్వేతా బసు మూవీ
నాగార్జునతో యాడ్స్: కింగ్ నాగార్జున బ్రాండ్ అంబాసిడర్గా వ్యవహరిస్తున్న ప్రముఖ జ్యువెలరీ లేదా ఇతర కమర్షియల్ బ్రాండ్ యాడ్స్లో కౌశిక్ నటించారు.
జూనియర్ ఎన్టీఆర్తో యాడ్స్: యంగ్ టైగర్ ఎన్టీఆర్ లీడ్ రోల్ చేసిన కొన్ని పెద్ద బ్రాండ్స్ (ఉదాహరణకు నవరత్న ఆయిల్ లేదా ఇతర పాపులర్ బ్రాండ్స్) యాడ్స్ షూట్స్లో కౌశిక్ భాగస్వామి అయ్యారు.
