కీర్తి సురేష్ టైటిల్ రోల్‌‌‌‌లో నటించిన చిత్రం ‘రివాల్వర్ రీటా’. జే.కే చంద్రు దర్శకత్వం వహించాడు. తెలుగు, తమిళ భాషల్లో రాబోతున్న ఈ చిత్రంలో రాధిక శరత్‌‌‌‌కుమార్, సునీల్, అజయ్ ఘోష్, సూపర్ సుబ్బరాయన్, జాన్ విజయ్ ఇతర ముఖ్యపాత్రలు పోషించారు. ఇప్పటికే విడుదల కావాల్సిన ఈ మూవీ అనుకోని కారణాలతో వాయిదా పడుతూ వచ్చింది.
తాజాగా ఫైనల్ రిలీజ్ డేట్‌‌‌‌ను అనౌన్స్ చేశారు మేకర్స్. ఈ చిత్రాన్ని నవంబర్ 28న తెలుగు, తమిళ భాషల్లో వరల్డ్‌‌‌‌వైడ్‌‌‌‌గా విడుదల చేయనున్నట్టు ప్రకటించారు. ఈ సందర్భంగా రిలీజ్ చేసిన పోస్టర్‌‌‌‌‌‌‌‌లో కీర్తి సురేష్ గులాబీని పట్టుకుని చిరు నవ్వులు చిందిస్తుంటే ఆమెపై విలన్స్ గన్స్ గురిపెడుతూ కనిపించడం సినిమాపై క్యూరియాసిటీని పెంచింది. క్రైమ్‌ కామెడీతో ఈ చిత్రం ఎంటర్‌‌‌‌‌‌‌‌టైన్ చేయబోతోందని ఈ పోస్టర్ ద్వారా అర్థమవుతోంది. ఈ చిత్రానికి సీన్ రోల్డాన్ మ్యూజిక్ అందించాడు. ప్యాషన్ స్టూడియోస్ బ్యానర్‌‌‌‌‌‌‌‌పై సుదన్ సుందరం, జగదీష్ పళనిస్వామి నిర్మించారు.
