ఖమ్మం టౌన్, వెలుగు: మన ఇసుక వాహనం మొబైల్యాప్ను ఖమ్మం కలెక్టర్ అనుదీప్ దురిశెట్టి సోమవారం అడిషనల్కలెక్టర్లు శ్రీజ, శ్రీనివాసరెడ్డితో కలిసి ప్రారంభించారు. ఈ సందర్భంగా ఆయన మాట్లాడుతూ ఈ యాప్ వచ్చే నెల 1 నుంచి అమలులోకి వస్తుందని తెలిపారు. దీని ద్వారా అక్రమ ఇసుక రవాణాను అరికట్టవచ్చని చెప్పారు. పెరుగుతున్న ఉష్ణోగ్రతల దృష్ట్యా జిల్లా ఆఫీసర్లతో సమీక్ష నిర్వహించి ప్రజలు వడదెబ్బ బారిన పడకుండా అన్ని డిపార్ట్మెంట్లు ముందస్తు జాగ్రత్తలు చేపట్టాలని తెలిపారు.
యాసంగి ధాన్యం కొనుగోళ్లపై నిర్వహించిన సమావేశంలో ఆయన మాట్లాడుతూ ధాన్యం కొనుగోళ్లు పక్కగా నిర్వహించేందుకు ఏర్పాట్లు చేయాలని ఆదేశించారు. అనంతరం అంతర్జాతీయ జీరో వేస్ట్ డే పోస్టర్ను ఆవిష్కరించారు.
ఏప్రిల్ 20 నుంచి ఏప్రిల్ 27 వరకు జరిగే తెలంగాణ ఓపెన్ స్కూల్ సొసైటీ ఎస్సెస్సీ, ఇంటర్ పరీక్షల నిర్వహణకు ఖమ్మం జిల్లాలో ఏర్పాట్లు చేయాలని సంబంధిత ఆఫీసర్లకు సూచించారు. జిల్లాలో 8 పరీక్షా కేంద్రాల్లో 1594 మంది అభ్యర్థులకు ఓపెన్ 10వ తరగతి పరీక్షలు, 1755 మంది అభ్యర్థులకు ఓపెన్ ఇంటర్ పరీక్షలు నిర్వహించనున్నట్లు అడిషనల్ కలెక్టర్ శ్రీజ తెలిపారు. అంతకుముందు కలెక్టరేట్లో నిర్వహించిన ప్రజావాణి కార్యక్రమంలో వారు ప్రజల నుంచి అర్జీలను స్వీకరించారు.
