హైదరాబాద్, వెలుగు: మల్టీలాంగ్వేజ్ సోషల్ మీడియా ప్లాట్ఫాం ‘కూ’ యాప్ లో 10 భాషల్లో ‘టాపిక్స్’ అనే ఫీచర్నుఅందుబాటులోకి తెచ్చింది. వివిధ భాషల యూజర్లు తమకు నచ్చిన భాషలో నచ్చిన అంశంపై కంటెంట్ను చదువుకోవచ్చు. హిందీ, బంగ్లా, మరాఠీ, గుజరాతీ, కన్నడ, తమిళం, తెలుగు, అస్సామీ, పంజాబీ ఇంగ్లిష్ లాంటి 10 భారతీయ భాషలలో ఈ ఫీచర్‌‌ని ప్రారంభించిన మొదటి ఏకైక ప్లాట్ఫాం కూ! ఇందులో కవిత్వం, సాహిత్యం, కళ సంస్కృతి, క్రీడలు, సినిమాలు, ఆధ్యాత్మికత వంటి అంశాలపై కంటెంట్ ఉంటుంది. టాపిక్‌‌ల ద్వారా యూజర్లు తమకు అత్యంత అనువైన కంటెంట్ను చూడొచ్చు. ఉదాహరణకు ఆరోగ్యానికి సంబంధించిన వార్తలు సమాచారాన్ని కోరుకునే యూజర్.. టీకా, జీవనశైలి వ్యాధులు, డాక్టర్ల నుండి ఆరోగ్య సంరక్షణ చిట్కాల కోసం టాపిక్స్ ట్యాబ్‌‌లోని 'ఆరోగ్యం' విభాగాన్ని క్లిక్ చేస్తే సరిపోతుంది.
కూ కో–ఫౌండర్ మయాంక్ బిదావత్కా మాట్లాడుతూ 10 భారతీయ భాషలలో టాపిక్‌ ను ప్రారంభించిన మొదటి సోషల్ మీడియా ప్లాట్ఫాం తమది అయినందుకు గర్విస్తున్నామన్నారు. ఈ ఫీచర్ ద్వారా యూజర్లు తమకు ఆసక్తి ఉన్న కంటెంట్ను చూడొచ్చని, తాము ప్రతి నెలా 20 లక్షలకు పైగా టాపిక్‌లను అందిస్తున్నామని అన్నారు. కూ ఒక సంవత్సరం క్రితమే 10 లక్షల డౌన్లోడ్ మార్క్ ను సాధించిందని చెప్పారు. భవిష్యత్తులో 100 లక్షల డౌన్లోడ్లను సాధిస్తామనే నమ్మకం ఉందన్నారు.
