భూమి సర్వే చేయడానికి వచ్చిన హెచ్ఎండిఏ అధికారులపై భూకబ్జాదారులు దాడికి పాల్పడిన ఘటన శంషాబాద్ ఎయిర్ పోర్ట్ పోలీస్ స్టేషన్ పరిధిలో జరిగింది. శంషాబాద్ రెవెన్యూ పరిధిలోని సర్వే నెంబర్ 725/21,23/24లలో 108 ఎకరాల హెచ్ఎండిఏ భూమి ఉండగా.. ఈ భూమిని ప్రభుత్వావసరాల కోసం గతంలో భూసేకరణ చేసింది. అప్పటినుండి ఈ భూమిని ప్రభుత్వం ఆధీనంలో ఉంది.
అయితే, ఈ భూమిని హెచ్ఎంటీ అధికారులు ఎడీ సర్వే చేయడానికి సైట్ వద్దకు రాగా.. అక్కడ ఆ భూమిని ఆక్రమించిన కొంతమంది రేకులతో ప్రహరీ గోడ ఏర్పాటు చేసుకున్నారు. దీంతో హెచ్ఎంటీ అధికారులు రేకులు తొలగించి కబ్జా దారులపై ఆగ్రమం వ్యక్తం చేశారు. ఈ క్రమంలో భూకబ్జాదారులకు అధికారుల మధ్య వాగ్వాదం ఏర్పడింది. దీంతో భూ కబ్జాదారులు అధికారులపై రాళ్ల దాడి చేసి జేసీబీలను పగులగొట్టారు. హెచ్ఎండిఏ అధికారుల ఫిర్యాదు మేరకు కేసు నమోదు చేసిన శంషాబాద్ ఎయిర్ పోర్టు పోలీసులు దర్యాప్తు చేస్తున్నారు. అయితే, ఈ విషయంపై హెచ్ఎండీఏ అధికారులను వివరణ కోరగా.. వివరాలు ఇవ్వడానికి నిరాకరిస్తూ.. విషయాన్ని దాటవేసే ప్రయత్నం చేశారు అధికారులు.
